32.6 C
Elbasan

Gjobiten 1334 shtetas që u kapën pa maskë mbrojtëse, policia vijon kontrollet për shkeljet në kohë Covidi. Sa persona u ndëshkuan ditët e fundit

Policia e Shtetit

Ndëshkohen me masë administrative 1378 qytetarë që nuk zbatuan masat anticovid gjatë ditëve të fundit.  Shërbimet e Policisë në të gjithë vendin, në vijim të kontrolleve për zbatimin e masave anticovid, kanë ndëshkuar me masë administrative 1378 shtetas, konkretisht:

– 1334 shtetas janë ndëshkuar me nga 3.000 lekë për mosvendosjen e maskës mbrojtëse;

– 6 shtetas janë ndëshkuar me nga 700.000 lekë, pasi nuk zbatuan vetëkarantinimin e detyrueshëm.

– 2 administratorë subjektesh janë ndëshkuar me nga 1.000.000 lekë, pasi ushtronin aktivitetin në subjektet e tyre, në kundërshtim me protokollet e sigurisë.

– 36 janë shtetas janë ndëshkuar me masë administrative 10.000 lekë, pasi u konstatuan duke lëvizur në këmbë pas orës 22:00.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren në të gjithë vendin, për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.

Si rezultat i këtyre kontrolleve, gjatë ditëve të fundit, në të gjithë vendin, Patrullat e Përgjithshme dhe ato të Policisë Rrugore kanë evidentuar dhe ndëshkuar me masën administrative 3.000 lekë secili, 1334 qytetarë që janë konstatuar duke lëvizur pa maskat mbrojtëse.

Gjatë kontrolleve janë shoqëruar në ambientet e Policisë në të gjithë vendin, 29 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

Në vijim të kontrolleve për zbatimin e vetëkarantinimit të detyrueshëm nga shtetasit e infektuar me COVID-19, janë evidentuar 6 shtetas që kanë shkelur rregullat e vetëkarantinimit, të cilët janë ndëshkuar me masë administrative 700.000 lekë secili.

Gjatë kontrolleve të ushtruara në subjekte të ndryshme, shërbimet e Policisë kanë evidentuar 2 lokale në të cilët ushtrohej aktiviteti në kundërshtim me protokollet e sigurisë. Për secilin nga subjektet u vendos masa administrative 1.000.000 lekë.

Gjithashtu, gjatë kontrolleve janë konstatuar 36 qytetarë që lëviznin në rrugë pas orës 22:00, pa arsye të domosdoshme, të cilët janë ndëshkuar me masën administrative 10.000 lekë secili.

Policia e Shtetit, krahas punës për parandalimin, evidentimin dhe goditjen e paligjshmërisë, sigurimin e rendit dhe qetësisë publike, do të vijojnë punën për monitorimin e zbatimit të masave anticovid në të gjithë vendin. Në këtë kuadër i bëhet thirrje të gjithë qytetarëve që të zbatojnë masat anticovid dhe të mos dalin nga banesat e tyre pas orës 22:00 deri në orën 06:00.

Fax

Lajme të tjera

Alkooli nuk të freskon! Rriten urgjencat nga helmimet, raste të shtuara pas festave në fundjavë

Temperaturat përvëluese që kanë përfshirë edhe vendin tonë kanë rritur ndjeshëm rastet e helmimeve në popullatë. Shërbimi i Toksikologjisë në QSUT është në fluksin...

Mjegulla ‘pushton’ bregdetin e Vlorës, pamje nga fenomeni i rrallë në kulmin e vapës

Një mjegull e dendur ka mbuluar sot mesditën bregdetin e Vlorës, duke krijuar një pamje të pazakontë për pushuesit dhe plazhistët. Fenomeni, i rrallë për...

Aksident I rëndë në Elbasan-Peqin

Foto ilustruese Një aksident i rëndë rrugor ka ndodhur këtë të enjte rreth orës 14:05 në aksin kombëtar Peqin – Elbasan, në dalje të qytetit...

Sekuestrimi i pronave të Suel dhe Mario Çelës/ Mediat italiane: Një klan mafioz shqiptar në Verona, si i riinvestonin të ardhurat nga trafiku ndërkombëtar...

Prokuroria Publike Italiane, Guardia di Finanza dhe Byroja Kombëtare e Hetimit Shqiptare kanë zbuluar një nga rastet e para në Itali të riinvestimit të...

VIDEO/ Shpërthim në një depo gazi në Romë, raportohet për disa oficerë policie dhe zjarrfikës të plagosur

Një shpërthim në një depo gazi në zonën e Prenestinos, shkaktoi një zhurmë të fortë që u dëgjua në shumë lagje të Romës. Sipas informacioneve...

Makina përplas këmbësorin që po kalonte te vijat e bardha në Fier, i lënduari dërgohet në spital

Një aksident ka ndodhur paraditen e sotme në rrugën “Kastriot Muço” në Fier, ku një këmbësor është përplasur nga një automjet teksa po kalonte...