19.5 C
Elbasan

Hapja e negociatave, eurodeputetët vlerësojnë Shqipërinë, por pa kompromis për kushtet

Eurodeputetja Isabel Santos, raportere për Shqipërinë prezantoi në Komisionin e Jashtëm të Parlamentit Europian të enjten, (10.12) raportin e progresit për Shqipërinë për vitet 2019-2020. Raporti përmban arritjet dhe kërkesat e Këshillit Europian që përkojnë me ato të Bundestagut gjerman e që Shqipëria duhet të plotësojë që të meritojë hapjen e negociatave të anëtarësimit. Santos i cilësoi shqiptarët një popull europian që meriton të meriton të integrohet në BE.

“Ne besojmë se Shqipëria ka bërë progres të madh. Ne duhet të japim sinjale pozitive. Mosmbajtja e konferencës së Parë Ndërqeveritare do të ishte padrejtësi për ta. Ne kemi të bëjmë me një popull pro-europian, dëshira e shqiptarëve për t’u bërë pjesë e BE është e madhe dhe nuk duhet ta humbasim këtë mundësi”, citohet Isabel Santos të ketë thënë në fjalën e saj të prezantimit të draft-raportit.

Kushte të paplotësuara dhe shqetësime

Nga ana tjetër Santos pranoi, se “Shqipëria duhet të plotësojë të gjitha kushtet që i kemi vënë dhe të gjitha kërkesat e Këshillit Europian”. Raporti për Shqipërinë përmban edhe shqetësime për “vijimin e reformave që janë të rëndësishme në radhë të parë për qytetarët e Shqipërisë dhe pastaj për integrimin.” Santos përmendi vijimin e reformave kundër krimit të organizuar dhe korrupsionit, përfundimin e reformës në drejtësi, angazhimin dhe përfshirjen e të gjitha forcave politike në normalizimin e jetës politike, pjesëmarrjen dhe përfshirjen e shoqërisë civile në proceset politike të vendit, si detyra për t’u plotësuar. “Gjykata Kushtetuese duhet të rikthehet në funksionimin e saj të plotë”, kërkoi Santos.

Po ashtu një shqetësim tjetër për raporteren Santos është edhe largimi i rinisë nga Shqipëria, por e ardhmja e vendit është popullsia e re dhe e talentuar. “Ka shumë nga ata që kanë shprehur dëshirën për t’u larguar, apo janë larguar. Të krijohen mundësitë që ata të rikthehen, të krijohen kushtet që brezi i ri të qëndrojë në Shqipëri”, nënvizoi ajo.

Albanien | Stadtansicht Tirana

Eurodeputetët në favor të hapjes së negociatave

Në të njëjtën linjë me raporteren Santos për të mbështetur Shqipërinë në hapjen e negociatave u shprehën të enjten edhe disa europarlamentarë. Eurodeputeti nga Sllovakia, Michal Simacka i ka bërë thirrje Parlmentit Europian të mbështesë Shqipërinë. “Është koha që parlamenti të ngrihet dhe të mbështesë Shqipërinë në rrugën e saj të integrimit europian. Ka bërë reforma të jashtëzakonshme”, është shprehur Simacka.

Kurse eurodeputeti nga Austria, Thomaz Waitz, e konsideroi të rëndësishme për Shqipërinë mbështetjen ekonomike dhe atë ndaj mjedisit. Elsa Fenet nga Komisioni Europian vlerësoi kryesinë e OSBE nga Shqipëria – “një sfidë e madhe për Shqipërinë, pasi këtë vit u përball me sfida të mëdha si situata në Bjellorusi, Nagorni- Karabak etj. Shqipëria ia doli mbanë më së miri në këto situata edhe pse nuk kishte përvoja të mëparshme”, tha Fenet. Draft Progress Raporti i Komisionit të Jashtëm të Parlamentit Europian mbi Shqipërinë për vitin 2019-2020 vlerëson se progresi në anëtarësim bëhet nën metodologjinë e rishikuar të zgjerimit për reforma të qëndrueshme, të thella dhe të pakthyeshme, sidomos në fushën e sundimit të  ligjit dhe luftën kundër korrupsionit.DW

*titulli redaksional* abc news

Lajme të tjera

Ky frut i thatë ndihmon në mbrojtjen e shëndetit të syve…

Shëndeti i syve është thelbësor për cilësinë e jetës, dhe ushqimi luan një rol të rëndësishëm në ruajtjen e tij. Shkencëtarët nga Universiteti Tufts në...

Kim Kardashian me bikini “shtrihet” në Times Square, merr kritika

Kim Kardashian ka shkaktuar polemika me marketingun më të fundit të markës së saj të veshjeve, SKIMS. Në mes të Times Square, Nju Jork,...

BE refuzon mishin shqiptar, shkak, mungesa e sigurisë

Shqipëria nuk mund të eksportojë produkte me origjinë shtazore në Bashkimin Europian. Ndonëse prej më shumë se tre dekadash jemi pjesë e Marrëveshjes së...

“Ndalohet TikTok, lejohet korrupsioni”/ Pankartat e të rinjve në protestë, ironi ndaj vendimit të qeverisë: Shqipëria më në fund është parajsa që prisnim

Demokratët dhe të rinjtë, pjesëmarrës në protestën e thirrur nga Partia Demokratike, mbajnë në duar pankarta të ndryshme që ironizojnë vendimin e qeverisë për...

Kaluan Ditën e Verës në Shqipëri, radhë të gjata në doganën e Qafë Thanës

Fluks në dalje në pikën e kalimit kufitar të Qafë Thanës. E gjithë kjo ,sipas autoriteteve të stacionit të kësaj pike kufitare, ka ardhur...

Betohet qeveria e re e Greqisë, ja kush janë ministrat e Kyriakos Mitsotakis

Përfundoi betimi i anëtarëve të rinj të qeverisë pak pas orës 11:00 në Pallatin Presidencial, në prani të Presidentit të Republikës, Kostas Tasoulas. Kjo u...