Komiteti Teknik i Ekspertëve vendos heqjen e ritestimit për personat e infektuar me Covid.
Shefja e Infektivit, Silva Bino, tha se studimet shkencore kanë provuar se personat e konfirmuar pozitiv nuk e transmetojnë më virusin pas përmbylljes së ciklit 14 ditor.
Bino: Heqja e ritestimeve është bazuar mbi baza shkencore pasi është vënë re që personat të cilët edhe mund të rezultojnë pozitiv nuk e transmetojnë sëmundjen. Këta persona nuk janë më infektues në ditën e 14 që kemi vendosur si kufi maksimal.
Ndërkohë, shtoi Bino, për grupe të caktuara të popullatës siç janë persona me dëmtim të imunitetit apo persona të tjerë, ritestimi do të vendoset në bazë të një udhëzimi që është përgatitur nga ISHP në bashkëpunim me klinikën e sëmundjeve infektive.
Bino: Është një barrë që i hiqet sistemit dhe i shtohet testeve diagnostike apo depistuese të popullatës për ta mbrojtur atë.
Ora tv
