Një emigrant shqiptar, pa dokumenta, u dëbua të shtunën nga autoritetet franceze në Shqipëri.
Arben Çollaku, i cili kishte emigruar në mars të 2018 në shtetin francez, ishte angazhuar gjatë kësaj kohe me një ekip vullnetar.
Kundër dëbimit të tij u zhvilluan protesta të shumta para prefekturës së Montauban, në Tarn-et-Garonne, madje edhe me premtimin se do ti gjenin punë.
Për mbajtjen në Francë të 56-vjeçarit u hap dhe një peticion online ku u mblodhën 1,156 nënshkrime.
Por beteja dështoi dhe ai u dëbua të shtunën. Mediat franceze shkruajnë se largimi i tij nga Shqipëria ishte bërë për shkak të sigurisë, pasi kishte marrë një kërcënim me vrasje.
Ai u vendos në Francë, pasi aty jetonte ish-gruaja dhe fëmijët e tij.
