27.3 C
Elbasan

Ish-bashkëshorti i dënuar në Itali, sekuestrohen 1.5 milion euro në pronësi të 49-vjeçares nga Fieri

Policia e Fierit sekuestron 1.5 milion euro pasuri të luajtshme e të paluajtshme, në pronësi të 49 vjeçares Rudina H(Z), banuese në Fier.

Pasuritë e sekuestruara janë në qytetin e Vlorës dhe në Pogradec.

Ndërkohë shumat e konfiskuara dyshohet se janë produkt i veprës penale “Trafikimi i narkotikëve”, për të cilën ish-bashkëshorti i saj, shtetasi Shaban Zenaj, i ekstraduar në Itali, është dënuar nga autoritetet italiane me 14 vjet burg.

Këto sekuestrime pasurore janë në kuadër të procedimit penal, ndaj shtetasit Shaban Zenaj, si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”.

Fier/Informacion

Në kuadër të luftës kundër pastrimit të parave, gjurmimit dhe identifikimit të aseteve që janë përfituar nga veprimtari kriminale u finalizua operacioni policor i koduar “Kuadrati”.

Vendoset sekuestro preventive mbi disa pasuri me vlerë rreth 1.500.000 euro, të cilat dyshohet se rrjedhin nga veprimtaria kriminale e subjektit.

Nga Seksioni për Hetimin e Krimit Ekonomik e Financiar në Drejtorinë Vendore të Policisë Fier, në bashkëpunim me Prokurorinë e Rrethit Gjyqësor Fier, pas një hetimi disamujor, u bë i mundur finalizimi me sukses i operacionit të koduar “Kuadrati”, si rezultat i të cilit u bë ekzekutimi i vendimit të Gjykatës së Shkallës së Parë Fier, datë 26.11.2020, për vendosjen e sekuestros preventive ndaj pasurive të shtetases R. H.,(Z)., 49 vjeçe, banuese në Fier.

Në zbatim të vendimit të Gjykatës u bë i mundur sekuestrimi i pasurive të luajtshme e të paluajtshme, ku vlera totale e pasurive të sekuestruara në Vlorë dhe Pogradec shkon rreth 1.500.000 euro, konkretisht:

  • Një bar restorant në Skelë, Vlorë;
  • Një apartament në Vlorë;
  • Një apartament në Pogradec;
  • Një automjet tip “Benz”.

Shumat e konfiskuara dyshohet se janë produkt i veprës penale “Trafikimi i narkotikëve”, për të cilën ish-bashkëshorti i saj, shtetasi Shaban Zenaj, i ekstraduar në Itali, është dënuar nga autoritetet italiane me 14 vjet burg.

Këto sekuestrime pasurore janë në kuadër të procedimit penal, ndaj shtetasit Shaban Zenaj, si person i dyshuar për kryerjen e veprës penale “Pastrimi i produkteve të veprës penale ose veprimtarisë kriminale”.

Vijojnë hetimet dhe verifikimet për evidentimin e pasurive të tjera që mund të jenë në emër të këtij shtetasi dhe personave të lidhur me të.

/abcnews.al/

Lajme të tjera

Dalin pamjet, momenti kur mbërrin në Shqipëri vëllai i Nuredin Dumanit, u arrestua në Dubai

Ekstradohen nga Dubai në Shqipëri, 2 shtetas të shumëkërkuar, pjesëtarë të një organizate kriminale që akuzohet nga GjKKO, për kryerje të krimeve të rënda. i...

Arrestohet në Tiranë autori i vrasjes së 65-vjeçarit në Klos/ Kushëri me viktimën, dyshohet me probleme të shëndetit mendor

Autori i vrasjes së 65-vjeçarit në Klos është arrestuar në Tiranë këtë mëngjes Mësohet se autori është kushëri me viktimën Selim Velsula. autori dyshohet se vuan...

Sot do jetë më fresk

Territori shqiptar do të vijojë të mbetet nën ndikimin e motit të kthjellët dhe temperaturave të larta. Kthjellimet do të jenë përgjatë vijës bregdetare ndërsa...

Zjarr në një pallat në Durrës! Evakuohen banorët

Kati i parë i një pallati në Durrës është përfshirë nga një zjarr. Flakët janë përhapur me shpejtësi, duke shkaktuar panik mes banoreve të...

Dhunoi punonjësin e pastrimit publik në Athinë, policia në kërkim të shqiptarit me precedentë (Emri)

Policia greke është vënë në kërkim të një shtëtasi shqiptar, i cili u filmua teksa dhunonte një punonjës të pastrimit publik të Athinës, teksa...

Temperaturat e larta, rreziku nga helmimi, mjekët në Elbasan bëjnë thirrje për kujdes të shtuar

Helmimi nga ushqimi është një nga rreziqet më të zakonshme gjatë stinës së verës, i cili mund të prekë këdo në rast pakujdesie ndaj...