23 C
Elbasan

Kërcënonte policin përmes profileve fake, arrestohet 24-vjeçari në Kavajë

Ngacmonte dhe kërcënonte një punonjës policie për shkak të detyrës, arresohet 24-vjeçari në Kavajë.

Përmes profileve false në rrjetet sociale, i riu me iniciale A.S, banues në Gosë, kërcënonte vazhdimisht jo vetëm efektivin por edhe familjarët e tij.

“Shtetasi A.S kishte një numër të lartë profilesh fallso”, njofton Policia.

Sipas asaj që mëson Ora News, autori i arrestuar është Ardit Saraçi, i cili ka kërcënuar një inspektor krimesh në Kavajë , pasi ky ka marrë pjesë në kontrollin e banesës dhe arrestimin e tij në vitin 2019 për posedim lëndësh narkotike dhe armëmbajtje pa leje.

Përmes mesazhe në rrjetet sociale, 24-vjeçari akuzonte punonjësin e policisë për arrestimin e tij.

PoliciaPas një hetimi 6-mujor, duke vlerësuar maksimalisht situatën kriminale të krijuar, Njësia e Hetimit të Krimeve Kibernetike ka kryer hetime të plota në lidhje me kallëzimin e marrë nga një punonjës policie i cili ndihej i kërcënuar në rrjetet sociale, për shkak të detyrës, nga një shtetas i panjohur.

Pas kryerjes së hetimeve, Njësia C për Hetimin e Krimeve Kibernetike, në bashkëpunim me Prokurorinë e Rrethit Gjyqësor Kavajë ka ekzekutuar vendimin e Gjykatës së Shkallës së Parë të Rrethit Gjyqësor Kavajë për masën e sigurisë “Arrest në burg”për shtetasin:

A. S., 24 vjeç, banues në Gosë, Kavajë, me precedentë të mëparshëm kriminal, pasi dyshohet se ka konsumuar veprat penale “Falsifikimi kompjuterik” dhe “Kanosja për shkak të detyrës”.

Materiali hetimor i ndjekur nga Njësia C – Hetimi i Krimeve Kibernetike kishte të bënte me dyshime të arsyeshme se ky shtetas kishte hapur një numër të madh profilesh të rrjeteve sociale me të dhëna të rreme. Nëpërmjet mesazheve që dërgonte nga këto profile të rrjeteve sociale kanoste në mënyrë të vazhdueshme punonjësin e policisë dhe familjarët e tij, për shkak të detyrës që ky punonjës kishte kryer.

Gjatë kontrollit të banesës dhe kontrollit të këtij shtetasi, në cilësinë e provës materiale u sekuestrua një telefon celular i markës “Samsung”.

 

ora news

Lajme të tjera

Përfundon verifikimi i 94 kutive të Gramshit dhe Peqinit, 15 fletë votimi kishin vetëm një vulë

Ka përfunduar rinumërimi dhe verifikimi për 94 kuti votimi të Gramshit dhe Peqinit, pas kërkesës së Partisë Demokratike. Nga rinumërimi rezultuan 15 fletë votimi ...

Pastrimi” në radhët e uniformave blu/ 131 nën hetim në 5 muaj, 56 efektivë ranë në pranga për shkelje të ndryshme

Arrestimi i 3 punonjësve të policisë Elbasan të cilët nuk parandaluan arratisjen e një personi të arrestuar për shkelje të rregullave të qarkullimit rrugor...

Skuadra e tij po e priste të luante, futbollisti shqiptar vetëhidhet nga kati i tetë. Tragjedia që tronditi një komunitet

Një tragjedi ka tronditur botën e futbollit:  Mario Bacaj  vdiq në moshën 28-vjeçare pasi ra nga kati i tetë i një ndërtese në zemër...

Përfshihet nga flakët Kodra e Krastës në Elbasan

Sot gjatë mesditës kodra e Krastës në Elbasan është përfshirë nga flakët. Zjarrfikëset e zonës janë drejt vendngjarjes pasi era dhe temperaturat e larta favorizojnë...

Vrau Pjerin Xhuvanin në 2021, Arbër Paplekaj kërkon lirim me kusht – Gjykata e Durrësit shtyn vendimin për në 16 korrik

Arbër Paplekaj, ish-oficer i forcave RENEA, i dënuar me 7 vite burg për vrasjen e Pjerin Xhuvanit katër ditë para zgjedhjeve parlamentare të 25...

Kasaphanë në spitalet iraniane”, mjekët tregojnë jashtë kamerave tmerrin e vërtetë: Fëmijë të gjymtuar, nuk përballohet dot më

Punonjësit shëndetësorë në Iran po përballen me një valë të papërballueshme të të plagosurve, ndërsa përleshjet mes Izraelit dhe Iranit kanë hyrë në ditën...