18.3 C
Elbasan

‘Klithmat e vogëlushit rrënqethën të madh e të vogël’/ Gazetarja tregon SHERRIN në mes të Durrësit: Nipi i biznesmenit rrahu një 40-vjeçar. Policia hesht se ka frikë

Gazetarja Klodiana Haxhiraj ka treguar në rrjetin e saj social, një ngjarje që ka ndodhur mbrëmjen e djeshme në qytetin e Durrësit. Ajo bën me dije se një person i ka treguar se mbrëmjen e djeshme një rast dhune në mes të qytetit ndërkohë që Policia nuk kishtë ndërhyrë. Në rrëfimin e saj, gazetarja bën me dije se ngjarja i është rrëfyer teksa kishte dalë shëtitje me të bijën.

“Tre persona kanë rrahur në mënyrë barabare një 40-vjeçar në mes të bulevardit “Dyrrah” mbrëmjen e sotme. 40-vjeçari ishte duke ecur me të birin 5 a 6 vjeç. Klithmat e vogëlushit që kërkonte ndihmë kanë rrënqethur të madh e të vogël. E rrahën aq keq, sa kur u ngrit la pas, një pellg gjaku ndërsa cubat e bulevardit, iu hipën makinave e ikën, pa iu hyrë gjemb në këmbë. Nuk ishte i pirë, por nuk ecte dot, e mbante djali i vogël prej dore, edhe shapkat s’dihet ku i përfunduan, mbeti zbathur. I larë në gjak.”

Më tej, gazetarja zbulon edhe detaje të tjera duke bërë me dije se një prej agresorëve është nipi i një bisnesmeni të fuqishëm të qytetit, dhe se Policia nuk reagon pasi ka frikë. Sipas Haxhirajt, e gjithë ndodhia është lehtësisht e verifikueshme, mjaft të hapen kamerat e biznesve pranë Bulevardit.

“Të tre cubat janë të identifikueshem, Policia as u duk fare aty. Njëri më thanë është nipi i një biznesmeni. Policia Durrës nëse ka këllqe të mos pyesë asnjë dëshmimtar, por të marrë kamerat e sigurive të bizneseve që e kanë filmuar e t’i thërrasë njëherë në Komisariat, e nëse nuk bën minimalisht këtë, Policia ka frikë! E nëse Policia ka frikë, çfarë i mbetet qytetarit?! Në boulevard ka shumë njerëz në mbrëmje…dhunën ç’njerëzore dhe klithamat e djalit të vogël i kanë parë shumë sy e i kanë dëgjuar shumë veshë! Policia ka kohë që nuk duket në rrugë, që kur bulevardi është bërë arenë e shpjetësisë skëterrë të shoferëve, si puna e këtyre që sot masakruan një baba. Çfarëdo të kish bërë, për më tepër në prani të një fëmijë të mitur nuk ka justifikim përdorimi i dhunës barbare. Nuk isha prezente por di që nuk do kisha bërë sehir, siç bënë sot shumë të tjerë!”. 

Megjithatë edhe pas statusit të gazetares dhe denoncimit të qytetarëve, ende nuk ka një reagim zyrtar lidhur me ngjarjen e ndodhur nga Policia e Durrësit.

(k.m/dosja.al)

Lajme të tjera

Mbyllet në barazim sfida Shqipëri – Serbi

Po luhet në Air Albania sfida Shqipëri-Serbi, e vlefshme për Grupin K kualifikues të Kupës së Botës 2026. Prej mesditës kryeqyteti është veshur kuqezi,...

Humbi shansin për t’i dhënë Shqipërisë avantazhin, Rei Manajn e ngushëllojnë të gjithë pasi gaboi nga 11-metrat (Video)

Shqipëria pati mundësinë e artë të zhbllokonte shifrat në fundin e pjesës së parë kundër Serbisë.Elseid Hysaj fitoi penallti, por Rei Manaj gaboi në...

Mbyllet pjesa e parë në barazim pa gola. Manaj humb shansin e artë për Shqipërinë

Po luhet në Air Albania sfida Shqipëri-Serbi, e vlefshme për Grupin K kualifikues të Kupës së Botës 2026. Prej mesditës kryeqyteti është veshur kuqezi,...

Ndeshja Shqipëri-Serbi në ‘Air Albania’, dalin formacionet zyrtare

Mbrëmjen e sotme, në orën 20:45, Kombëtarja shqiptare e Futbollit do të përballet me atë serbe në stadiumin ‘Air Albania’ në Tiranë. Pak më parë...

Drejt Shqipëri-Serbi/ Kontrolle të imtësishme në “Arena Kombëtare”, nis hyrja e tifozëve në stadium

Shqipëri-Serbi është përballja kualifikuese e Botërorit, e planifikuar për këtë të shtunë në orën 20.45. Teksa jemi 2 orë larg fillimit të ndeshjes, në “Arenën...

Trafik droge në Milano/ Të përfshirë edhe shqiptarë, 4 arrestime mes Lombardisë dhe Sardenjës. Sekuestrohen mbi 600 mijë euro

Katër personat, të moshës midis 32 dhe 67 vjeç, me kombësi italiane, marokene dhe shqiptare, akuzohen për posedim dhe trafikim të narkotikëve në gara. Ata...