27.2 C
Elbasan

Koronavirusi /67 raste të reja, 82 në spital

22 të shëruar në 24 orët e fundit mes të cilëve 7 mjekë dhe infermierë. Vijon të ketë shtrime të reja me simptoma të rënduara si pasojë e Covid19

Dr. Marjeta Dervishi

Instituti i Shëndetit Publik

Ju njohim me situatën epidemiologjike në vend dhe gjendjen në spitalin infektiv, ku vijon të ketë shtrime të reja me simptoma të rënduara si pasojë e Covid19, përfshirë edhe mosha të reja.

Një humbje jete ka ndodhur mëngjesin e sotëm. Një 34 vjeçare nga Librazhdi e cila vuante nga insuficenca renale kronike, diabeti, hipertensioni, e konfirmuar me Covid19, e shtruar në shërbimin infektiv prej disa ditësh, në gjendje të rëndë dhe e intubuar, pavarësisht përkujdesjes së mjekëve nuk ka mundur të mbijetojë. Ministria e Shëndetësisë dhe Mbrojtjes Sociale i shpreh ngushëllimet familjarëve të të ndjerës.

Vijon të ketë sërish shtrime të reja në spitalin infektiv ku aktualisht po trajtohen 82 pacientë, 14 prej tyre janë në terapi intensive.

Por lajmi i mirë është se në 24 orët e fundit janë shëruar 22 qytetarë, mes tyre 7 mjekë dhe infermierë, duke e çuar në 1217 numrin e të shëruarve që nga fillimi i epidemisë.

Gjatë 24 orëve të fundit janë kryer 347 testime për të dyshuar të prekur me Covid19 nga të cilat janë konfirmuar 67 raste pozitive.

Numrin më të lartë të të prekurve ditorë e ka Kruja me 18 raste, kemi 16 të prekur në Tiranë, 10 në Shkodër, 6 në Vlorë, nga 2 raste në Kukës, Lezhë, Kurbin, Lushnje, dhe nga 1 rast përkatësisht në Durrës, Fier, Korçë, Kavajë, Rrogozhinë, Tropojë, Berat, Vau i Dejës dhe Divjakë.  Një pjesë e konsiderueshme e rasteve lidhen me ndërmarrje me shumë punëtorë, ndërkohë që vazhdon hetimi për raste të reja.

Në vendin tonë janë aktualisht 850 persona aktivë me COVID19, kryesisht në Tiranë, Shkodër, Durrës.

Ministria e Shëndetësisë dhe Mbrojtjes Sociale i drejtohet të gjithë subjekteve të respektojnë protokollin e sigurisë. Ndërmarrjeve, institucioneve, subjekteve me shumë punonjës:

Kryeni çdo ditë vlerësimin temperaturës si dhe vlerësoni prezencën e simptomave të COVID-19 në personat e punësuar dhe të kujtdo që hyn apo del në ambientet e punës. Personat me temperaturë apo me simptoma duhet të rikthehen në shtëpi dhe të kryhet komunikimi me strukturat shëndetësore. Siguroni vazhdimisht elementet higjenizues e pastrues si sapun, letër për pastrimin e duarve, dezinfektantë. Mbani maskën mbrojtëse duke mbuluar hundën dhe gojën. Siguroni ajrosjen e mirë dhe dezinfektimin e ambjenteve si dhe larje para hapjes dhe pas mbylljes së tij.

Mininistria e Shëndetësisë dhe Mbrojtjes Sociale i drejtohet qytetarëve të shmangin vendet me grumbullime, të respektoni distancën, dhe kurdo kur kjo nuk është e mundur, përdorni maskë.

Kontaktoni nëpërmjet linjës së gjelbër 0800 40 40 me mjekun e familjes, nëse nuk është e domosdoshme evitoni kontaktin me institucionet shëndetësore.

Nëse dyshoni se jeni të prekur duhet të qëndroni të izoluar dhe telefononi në numrin e Urgjencës Kombëtare, 127.

COVID-19 – Statistika (24 Qershor 2020)

Testime totale                         24367

Raste pozitive                          2114

Raste të shëruara                      1217

Raste Aktive                             850

Humbje jete                              47 (Qarku Tiranë 26, Durrës 9, Fier 4, Vlorë 1, Shkodër 5, Kukës 1, Elbasan 1)

Shpërndarja gjeografike e rasteve aktive sipas qarqeve:

Tiranë     377

Durrës     165

Shkodër    135

Vlorë     69

Fier         39

Lezhë     24

Korçë     18

Kukës     10

Elbasan     9

Gjirokastër 2

Berat              2

Elbasaniflash.al

Lajme të tjera

E frikshme në Itali! Fakulteti i Bujqësisë në Tuscia përfshihet nga flakët, nis me shpejtësi evakuimi i studentëve

Një zjarr i fuqishëm shpërtheu pak pas orës 10:00 në Fakultetin e Bujqësisë të Universitetit të Tuscias në Viterbo. Flakët, që filluan nga çatia gjatë...

Panik në Këln! Autoritetet zbulojnë 3 bomba të Luftës së Dytë Botërore në qendër të qytetit, evakuohen mbi 20 mijë banorë

Mbi 20 mijë qytetarë u evakuuan nga qendra e Këlnit, në Gjermaninë perëndimore, pasi u zbuluan tre bomba të pashpërthyera të epokës së Luftës...

Falimentonin fasoneritë për të shmangur tatimet/ Elbasan, arrestohen 5 persona, një në arrest shtëpie

Prokuroria e Elbasanit kërkoi masën e sigurisë ‘Arrest në burg’ për pesë persona, tre prej të cilëve shtetas italianë dhe ‘Arrest shtëpie’ për një...

“Për vrasjen e Çajup Selimit mora 25 mijë euro”/ Detaje nga dëshmia e Tafanit në GJKKO: Planin e kisha bërë me Laertin, një gabim...

Bashkëpunëtori i drejtësisë Artan Tafani ka dëshmuar për herë të parë pranë GJKKO. Tafani ka përmendur përpara ligjvënësve 17 episode kriminale, ndërkohë që u...

Dëmtohet gjatë punës në uzinën e ferrokromit/ Elbasan, 51-vjeçari dërgohet në spital

Në fshatin Bradashesh, dyshohet se gjatë punës në uzinën e ferrokromit, është dëmtuar shtetasi R. M., 51 vjeç, i cili është dërguar për mjekim...

Autori qëlloi adoleshentin me pistoletë-stilolaps dhe hodhi armën në Laprakë, dëshmia e autorit: E bëra pa dashje

Një ngjarje e rëndë ndodhi disa ditëmë parë në zonën e Ali Demit në Tiranë, ku një 15-vjeçar është plagosur brenda picerisë “Fantazia”. Gazetari...