Një fëmijë vetëm një vjeç ka ndërruar jetë si pasojë e koronavirusit në Kosovë. Siç raportuan autoritetet e shëndetit në vend, në 24 orë humbën jetën si pasojë e koronavirusit katër persona.
Mes tyre ishte edhe fëmija në Prishtinë si dhe një 78-vjeçar nga Ferizaj, një 67-vjeçar nga Mitrovica dhe një 42-vjeçar nga Podujeva. Nuk dihet ende nëse fëmija kishte probleme të tjera shëndetësore shoqëruese.
Gjithashtu, IKSHPK njoftoi se brenda ditës u regjistruan në vend 170 raste të reja me COVID-19 nga 2,500 testime të kryera. /abcnews.al/
