Një 26 vjeçar nga Fushë Kruja është arrestuar pasi ka kryer marrëdhënie seksuale me një shtetase të sëmurë. 26 vjecari ka kryer marrëdhënie seksuale me një 30 vjecare e cila vuan nga probleme të shëndetit mendor.
Ngjarja ka ndodhur në vitin 2019, ndërsa ndalimi i tij është bërë ditët e fundit.
Njoftimi i policisë:
Specialistët për Hetimin e Krimeve në Komisariatin e Policisë Krujë, në vijim të punës për kapjen e personave në kërkim dhe vënien e tyre para përgjegjësisë penale, ndaluan shtetasin Sh. M., 26 vjeç, banues në Fushë Krujë, pasi Gjykata e Shkallës së Parë Krujë i ka caktuar masën “Arrest në burg”, për veprën penale “Marrëdhënie seksuale ose homoseksuale me persona të pazot”.Ky shtetas, në vitin 2019, dyshohet se ka kryer marrëdhënie seksuale me një shtetase 30 vjeçe, e cila vuan nga probleme të shëndetit mendor.
(A.B)/Dosja.al
