Kryetari i Grupit i PS Taulant Balla nga foltorja e Kuvendit u shpreh se propozimi i djeshëm i PD ishte një blof me listat e hapura për të shtyrë e zvarritur votimin e ndryshimeve kushtetuese sot.
Gjithashtu Balla theksoi se ndryshimet kushtetuese sot nuk prishin marrëveshjen e 5 qershorit edhe pa arritjen e konsensusit.
Ai theksoi se pranimi i listave të hapura sipas formulës së propozuar dhe miratuar sot nga Kuvendi është zgjidhja e duhur për t’i dhënë shqiptarëve dy mundësi, të votojnë partinë dhe kandidatin.
Hetimi i 339 po tregon se ato që qahen për zgjedhjet janë ata që kanë shpikur të gjitha formulat. Edhe sjellja e deputetes Dhimitri është sjellja se si funksionon PD. Basha nuk votohet sot në PD nëse ka votim të ndershëm. Do ju lutesha që në kushtet e forcimit të drejtësisë së re çdo gjë duhet ta marrë me qetësi do të thoshte dikush që ia din vlerën qetësisë dhe dashurisë. Pasuritë e Shkëlzen Berishës patjetër që duhen hetuar.
Dosja 339 ka nxjerrë në publik xhevahire për atë që kërkon Murrizi, Korab Lita e të gjithë të tjerët për depolitizimin e komisioneve zgjedhore. LSI 3-fishoi rezultatin, PD e 2-fishoi. Ne kemi votuar me bindje marrëveshjen e 5 qershorit. Nuk kishte asnjë hap pozitiv për rekomandimet e OSBE, por me bindjen se do përfshihen në procesin e ardhshëm zgjedhor.
Gjoja votimi i sotëm ka prishur marrëveshjen e 5 qershorit, nuk ekziston. Bllofi se janë gjoja pro listave të hapura, por Kuvendi mos votojë sot, nuk i shërben askujt. Unë shpreh konsideratën më të madhe të angazhimit të SHBA dhe BE që solli bashkë opozitën dhe mazhorancën, për të konkluduar në një dokument që u votua por padyshim nuk zgjodhi problemin kryesor. Nuk shkojmë pa depolitizim në një standard tjetër.
Dua ti bëj një thirrje PD. U mundua që të krijonte grupin parlamentar këtu. Por pranimi i listave të miratuara sot nga Kuvendi është zgjidhja e duhur për t’i dhënës shqiptarëve dy mundësi. Deri më sot ata kanë pasur mundësinë që të zgjedhin një parti, sot dhe individin. Ku ta gjej që Luli dhe Mona të jenë bashkë. Ku ta gjej që të jenë bashkë. Është gjeja më e mirë për shqiptare. T’u japin hakën, pasi janë në opozitë në 2021-in. Por mesa kam parë nga ofertat e reja nga opozita, ne do të jemi në qeverisjen e vendit. Dhe ju siç jeni sot, do të jetë dhe ai grupi tjetër që u krijua mbrëmë”, tha Balla./abcnews
