Policia e Kukësit, mbi bazën e informacioneve të siguruara në rrugë operative se një shtetas posedonte lëndë narkotike me vete, organizuan punën dhe finalizuan me sukses operacionin policor të koduar “Eagle”.
Si rezultat u arrestuan A.E, 24 vjeç dhe M.M, 33 vjeç, banues në Kukës.
Në qytetin e Kukësit, Policia ndaloi një “Benz” të drejtuar nga 24-vjeçari A. E. Gjatë kontrollit në makinë, i gjetën një kallashnikov, 3 karikatorë, 81 fishekë dhe 350 gr. kanabis.
Nga hetimet doli A.E ia ka blerë lëndën narkotike, 33-vjeçarit M. M.
Në vijim të operacionit, Policia kontrolloi shtëpinë e M.M në fshatin Gabricë, ku gjeti një pushkë, 19 fishekë, 525 gr. kanabis si dhe një sasi parash.
Në bashkëpunim me Prokurorinë vijon puna për dokumentimin e plotë të kësaj ngjarjeje.
Materialet i kaluan Prokurorisë pranë Gjykatës së Shkallës së Parë Kukës, për veprat penale “Armëmbajtja pa leje” dhe “Prodhimi dhe shitja e narkotikëve”.
© SYRI.net
