Ministrja e Arsimit, Sportit dhe Rinisë, Evis Kushi ka pritur në një takim në zyrën e saj, ambasadorin italian në Shqipëri, Fabrizio Bucci.
Gjatë takimit të zhvilluar me Bucci-n, ministrja ka theksuar nevojë e thellimit të bashkëpunimit në fushën e arsimit.
Sipas Kushit, rritja e projekteve dhe iniciativave me interes të ndërsjelltë është në fokus të partneritetit strategjik me shtetin fqinj.
“Në takimin e zhvilluar me ambasadorin e Italisë, Fabrizio Bucci, nënvizuam nevojën e thellimit të bashkëpunimit në fushën e arsimit. Me Italinë mike, partnerin tonë strategjik, do të kemi në fokus gjithmonë shtimin e projekteve e iniciativave me interes të ndërsjellë mes dy vendeve tona”, ka informuar ministrja Kushi. atsh
