21.2 C
Elbasan

Kuvendi nis maratonën, deputetët diskutojnë sot për hetimin e shkeljeve të Metës

Seanca e sotme plenare do të jetë e para e një maratone 4-ditore, ku deputetët do të mblidhen 3 herë në Kuvend.

Pritet të jetë një javë shumë e ngjeshur parlamentare, edhe pse sot nuk do të fillohet me ritëm shumë të lartë.

Në rendin e ditës është i parashikuar vetëm raporti i hartuar nga Komisioni Hetimor në lidhje me ligjshmërinë e veprimtarisë së Presidentit Meta në anulimin e zgjedhjeve të 30 qershorit 2019 si dhe në procedurat për betimin e gjyqtarëve të Gjykatës Kushtetuese.

Komisioni, që rëndom është konsideruar si “Komisioni Hetimor për shkarkimin e Metës” votoi javën që shkoi mosshkarkimin e Presidentit, duke u mbështetur në konkluzionet e opinionit të Komisionit të Venecias.

Deputetët socialistë argumentuan se shkelje ka pasur, por se nuk janë të mjaftueshme për të çuar drejt një shkarkimi dhe kjo linjë është ndjekur edhe në raportin që i është dërguar seancës plenare për votim.

Seanca pritet të jetë e shkurtër, ndryshe nga ajo e së enjtes që shkoi, ku rendi i ditës ishte shumë i gjatë, por edhe çështjet e debatueshme ishin disa.

Ndërkohë, në këtë seancë debati pritet të përfshijë edhe temën më të fortë të javëve të fundit, atë që ka të bëjë me ndryshimet kushtetuese për të hapur mundësinë e listave të hapura në zgjedhjet e ardhshme parlamentare.

abc news

Lajme të tjera

Balluku inspekton punimet për autostradën Elbasan-Rrogozhinë: Në qershor 2026 përfundojmë 18 kilometrat e parë

Punimet për ndërtimin e aksit të ri rrugor Elbasan–Rrogozhinë kanë hyrë në një fazë të avancuar, duke shënuar përparim të ndjeshëm në realizimin e...

Përmbytje masive në Meksikë, raportohen 16 viktima

Të paktën 23 persona kanë humbur jetën në Meksikë deri në fund të javës që lamë pas, si pasojë e reshjeve të dendura që...

Ekstradohet nga Spanja Juxhin Drazhi/ Në kërkim nga SPAK, i akuzuar për trafik droge në vendet e BE

Strukturat policore të vendit tonë, në bashkëpunim me Interpolin në Madrid, kanë ekstraduar një shtetas shqiptar të shpallur në kërkim ndërkombëtar. Ndaj 34 vjeçarit Juxhin Drazhi është...

Në kërkim për narkotikë dhe prostitucion/ Muriqan, kapet 56 vjeçari, pritet ekstradimi në Itali

Kapet nga shërbimet e Policisë Kufitare dhe arrestohet, me qëllim ekstradimin në Itali, një shtetas i shpallur në kërkim ndërkombëtar. Shërbimet e Policisë Kufitare të...

Tre të vdekur nga zjarri në një apartament në Milano, evakuohen 17 familje

Një zjarr në një ndërtesë katërkatëshe vrau tre persona mbrëmë në Cornaredo, pranë Milanos. Të vrarët ishin një burrë dhe një grua, përkatësisht 88 dhe...

Përgatitjet për Serbi-Shqipëri, asnjë taksi pranë hotelit të Kombëtares shqiptare, rreth 5000 forca policie për të ruajtur rendin

Asnjë taksi apo makinë nuk lejohet të dalë apo të vijë në hotel. Në çdo pikë kontrolli, ku ndodhen makinat e sigurisë, na kërkuan...