Ministrja Ogerta Manastirliu ka njoftuar se është hapur spitali COVID4 që ka në dispozicion 100 shtretër.
Janë shtruar pacientët e parë që vijnë nga spitali Covid 1 dhe 3, të cilëve nga sot do i shërbejë stafi mjekësor. Covid 4 i përket skenarit të qeverisë për periudhën vjeshtë-dimër për të përballuar pandeminë.
“24 orët e fundit kanë qenë intensive në funksion të pritjes së pacientëve. Pasi pacientët e kalojnë fazën akute kërkojnë një trajtim që do të ndiqen në këtë spital”, tha ministrja Manastirliu para mjekëve.
Në strategjinë për dimrin të Ministrisë së Shëndetësisë, në rast se të 4 spitalet në total me 550 shtretër mbushen me pacientë, atëherë do të hapen 5 spitale rajonalë. E njëjta strategji do të vijojë edhe më pas me 6 spitale të tjerë rajonale. (A.M/Faxweb.al)
