Mëngjesin e sotëm, një zyrtare e Institutit të Shëndetit Publik tha se “kemi goxha personel shëndetësor të prekur” nga koronavirusi.
“Normalisht çdo ditë kemi pasur personel mjekësor të infektuar,” tha Rovena Daja, duke shtuar fjalinë standard se ‘kjo ndodh në të gjithë botën’.Kjo është një gjysmë e vërtetë. Fakt është se kjo sëmundje është nosocomiale, pra një infeksion që po merret nëpër spitale. Duke e ditur këtë gjë, shtetet e ndryshme po marrin masa.
Mirëpo kur vendi ka dalë nga izolimi dhe rastet po shtohen ndjeshëm, qytetarët po dëshmojnë se vatrat më të nxehta prej nga është shpërndarë virusi në mbarë vendin, janë spitalet kryesore shtetërore të Tiranës.
Kjo liste e siguruar nga Syri.net tregon se sa infeksione janë brenda një dite në spitale, që nga QSUT, nëpër klinika dhe deri te Sanatoriumi (Spitali Universitar i Sëmundjeve të Mushkërive).
Janë në total 29 të infektuar, prej tyre 16 janë bluza të bardha.
Duke e ditur se bomba biologjike është nëpër spitale, kryeministri Edi Rama po del në TV duke kërcënuar se do të rikthejë izolimin, përkundër deklaratave të çdo eksperti në vend këto ditë.
Qëllimi është i qartë: të tregojë që fajin nuk e ka ai, që spitalet janë kthyer në vatra të infeksionit dhe se ai ka dështuar me masat mbrojtëse dhe me testimet. Po ashtu virusi ka depërtuar edhe në institucione, mes tyre edhe në kryeministri.
Për të shmangur këtë dështim, ka nisur të kërcënojë qytetarët. Pikërisht i njëjti që shembi Teatrin Kombëtar në kohën e pandemisë me forca të shumta policore dhe një ditë më pas shpalli se Tirana nuk kishte asnjë rast. Ndërkohë burimet thonë se numri ka qenë shumë i lartë edhe atë ditë. Thuajse sa rekordi aktual.
Syri
