Partia Demokratike shpall sot rezultatet për zgjedhjet e zhvilluara të dielën e 13 qershorit për kryetarin e ri.
Nga rezultatet e deritanishme, Lulzim Basha ka siguruar mandatin e tretë në krye të partisë së dytë më të madhe në vend.
Të dhënat paraprake nga selia blu flasin për një fitore të Bashës.
Në garën për kreun e ri të PD morën pjesë pak më shumë se 41 mijë demokratë ose 54,7% nga mbi 75 mijë të regjistruar si anëtarë të kësaj partie.
Nga tre rivalët e tjerë të zotit Basha, i dyti u rendit Agron Shehaj, duke lënë pas Edit Harxhin dhe Fatbardh Kadillin.
