Taulant Balla dhe Elisa Spiropali do të vijojnë të mbajën postet e tyre dhe në mandatin e ri qeverisës të fituar nga PS në zgjedhjet parlamentare të 25 prillit.
Në këtë mënyrë, Taulant Balla do të jetë përsëri Kryetar i Grupit Parlamentar të PS-së, ndërsa Spiropali do të vazhdojë të mbajë postin e Ministres për Marrëdhëniet me Parlamentin.
Lajmin e konfirmoi Kryeministri Rama në mbledhjen e sotme me grupin e vjetër dhe të ri parlamentar të PS-së, ku nuk i kurseu lëvdatat për Spiropalin dhe Ballën.
“Dua të falenderoj Ministren për marrëdhëniet me Parlamentin. Taulanti ka punuar me përkushtim, edhe në ditë tejet të vështira. Po ashtu dhe Elisa ka qenë e përkushtuar në rolin e saj jo të lehtë për bashkëpunimin e qeverisë me parlamentin. Që të dy meritojnë falenderim të veccantë dhe konfirmimin në detyrë për mandatin e tretë dhe do ta kenë besimin tonë të plotë”, tha Rama.
(E.H/Faxweb.al)
