Marrëveshja e 5 qershorit, e dakordësuar mes PS dhe PD me ndërmjetësimin e ndërkombëatrëve, do të miratohet në seancën e kësa të enjte.
Pas paktit politik mes PS dhe 3 kryetarëve të grupeve parlamentare ditën e martë, mazhoranca ka siguruar 84 votat e nevojshme për ndryshimet në Ligjin zgjedhor.
Edhe pse ka ende deputetët të pakicës të cilët janë kundër 5 qershorit, dhe këtë e tregoi edhe Murrizi pas takimit me kryeministrin Rama.
Por në harkun kohor të 7 ditëve parlamenti do të mblidhet edhe në 3 seanca të tjera, 27, 28 dhe 30 korrik.
Përveç projektligjeve të caktuar në këto seanca do të miratohet edhe raporti i Komisionit Hetimor për Presidentin Ilir Meta.
Sipas këtij raporti kreu i shtetit nuk është në kushte për t’u shkarkuar nga detyra për dekretin e 30 qershorit dhe emërimet në Kushtetuese.
Por në seancën e fundit të këtij sesioni parlamentar, me 30 korrik PS dhe deputetët e pakicës do të diskutojnë dhe më pas të miratojnë ndryshimet kushtetuese që do të çojnë në hapjen e pjesshme të listave, heqjen e koalicioneve parazgjedhore dhe ndryshimin e pragut elektoral.
Por politika në këto 7 ditë të nxehta do të vijojë të dialogojë që secila nga palët të marrë sa më shumë të mundet për përfitimet e tyre politike.
Ora news
