22.5 C
Elbasan

Maskë në çdo ambient jashtë shtëpisë, Fico zbulon kush përjashtohet: Ndryshe gjobë 30 mijë lekë

Drejtoresha e ISHP-së Albana Fico ka dhënë detaje lidhur me vendimin e qeverisë për vendosjen e detyrueshme të maskës që nga dita e nesërme.

Fico tha se maska është e detyrueshme për të gjithë personat kur dalin nga shtëpitë e tyre, për çdo individ mbi 11-vjeç, dhe sipas saj në rastin e shkeljes së parë gjoba do të jetë 30 mijë lekë të vjetra. Në rast se shkelja do të jetë e përsëritur, gjoba do të vijë duke u rritur.

“Sa herë që dilni nga shtëpia, çdo individ mbi 11 vjeç, në të gjithë mjetet e transportit publik, ku në to gjenden persona të tjerë, gjatë ecjes në rrugë, në parqe në sheshe, në hyrje dhe dalje nga banesa, në ashensor, përpara dhe pas konsumit të ushqimit duhet ta mbajnë maskën”, u shpreh Fico.

Ndërkohë që për të gjithë personat që kanë probleme shëndetësore dhe nuk mund ta mbajnë maskën, në momentin që dalin në rrugë, duhet të jenë të pajisur dhe me një vërtetim nga ana e mjekëve.

Të përjashtuar nga mbajtja e maskës janë të gjithë personat që udhëtojnë me motoçikletë apo me biçikletë, pa persona të tjerë.

Po ashtu nga maska përjashtohen të gjithë personat që udhëtojnë me familjarët e tyre në makinë, ndërkohë që në studiot televizive do të respektohet distanca 1.5 metra.

RASTET PËRJASHTIMORE TË PËRDORIMIT TË BARRIERËS MBROJTËSE (MASKËS) janë:

Në të gjitha rastet kur përdorimi i maskës dëmton shëndetin sipas rekomandimit të mjekut të familjes*).

Nga persona me sëmundje që i bëjnë të paaftë për përdorimin maskës*). Gjatë ushtrimit të aktiviteteve sportive.

Nga persona të cilët lëvizin të vetëm me biçikletë, motoçikletë apo monopatinë.

Kur në makinë është vetëm drejtuesi i mjetit ose persona që kanë lidhje familjare me të

Në aktivitete që mund të shkaktojnë lagien e maskës, si p.sh. gjatë larjes në pishinë, liqen ose në det. Në shtëpi me anëtarët e ngushtë të familjes.

(E.K/Faxweb.al)

Lajme të tjera

Dafina Zeqiri e quan djalin Daskan, bashkëshorti i saj tregon kuptimin e emrit

Këngëtarja me origjinë nga Kosova, Dafina Zeqiri, është bërë nënë për herë të parë, e cila ka ndarë me ndjekësit e saj lajmin e...

“I ati gjeti shapkën e të birit në rrugë dhe…”, Renis Dobra u “hoq qafe” për 10 mijë euro (DETAJE)

Detaje të reja janë zbuluar lidhur me ngjarjen e ndodhur mbrëmjen e 8 korrikut, ku 23-vjeçari Renis Dobra u rrëmbye dhe më pas u...

Dy biznesmenët përleshen në mes të pushuesve në Ksamil, shkak vendosja e çadrave të plazhit

Një ngjarje e rëndë është shënuar këtë të shtunë në Ksamil, ku një konflikt i ashpër mes dy biznesmenëve lokalë ka përfunduar me dhunë...

Emri/ Kapet vrasësi shqiptar me pagesë në Athinë, plagosi dy persona për llogari të mafias turke

Policia greke ka arritur të zbardhë atentatin ndaj një shtetasi turk ndodhur në 13 korrik në Athinë. Në prangat e policisë ka rënë një 22-vjeçar...

Lëvizte me armë zjarri silenciator gati për qitje/ Kombinat, vihet në pranga 30 vjeçari.

Si rezultat i administrimit të shpejtë të informacioneve të siguruara në rrugë operative, rreth veprimtarive kriminale të një shtetasi, shërbimet e Komisariatit të Policisë...

Roja u gjet pajetë në Portin e Sarandës, reagon Prokuroria: Kuforma u dërgua në Tiranë për autopsi

Prokuroria e Sarandës ka reaguar lidhur me gjetjen e një trupi të pajetë ditën e djeshme pranë portit. Policia thotë se nga veprimet paraprake dyshohet...