13.4 C
Elbasan

“Mos shkoni me pushime verore pa miratuar reformën zgjedhore”, Luigi Di Maio telefonon Bashën dhe Ramën

Ministri i Jashtëm Italian ka zhvilluar dy biseda telefonike ditën e sotme, njërën me kryeministrin Rama dhe tjetrën me kryedemokratin Basha. Ky interesim i ministrit Di Maio ndodhë në kuadër të diskutimeve për reformën zgjedhore në vendin tonë. Gjatë bisedave telefonike ministri italian ka shprehur vlerësimin e tij për marrëveshjen e arritur deri tani dhe i inkurajon palët që të arrijnë ta finalizojnë të plotë marrëveshjen zgjedhore para pushimeve verore.

“Çështjet që ende duhen diskutuar janë të rëndësishme, por po kaq e rëndësishme është ruajtja e një fryme konstruktive si dhe të qenit të hapur për dialog. Miratimi i një ligji të ri zgjedhor konfirmon faktin se të dy palët mund të punojnë së bashku për arritjen e objektivave të përbashkëta”, është shprehur Di Maio.

Ministri Di Maio, gjatë bisedës me Kryeministrin shqiptar nënvizoi gjithashtu rëndësinë për të vijuar me procesin e reformave, të cilat, sipas ministrit duhet të jenë të përbashkëta dhe të kenë jetëgjatësi  parë dhe nën këndvështrimin e anëtarësimit të Shqipërisë në Bashkimin Evropian”

“Për Italinë mbetet një çështje kyçe puna për reformën në drejtësi, e cila duhet të realizohet plotësisht sa më shpejt. Realizimi i plotë i saj brenda një kohe të shkurtër është me rëndësi edhe për përmirësimin pasi do të ketë një impakt edhe në klimën e biznesit në Shqipëri”, është shprehur ministri italian.  Ministri e përgëzoi gjithashtu edhe për mbledhjen e fundit të Këshillit Kombëtar për Integrimin Evropian “çka dëshmon për seriozitetin dhe vendosmërinë e palës shqiptare në rrugën e përafrimit drejt Evropës. Italia i ofron Shqipërisë mbështetjen e saj të plotë në rrugëtimin e saj drejt BE-së”, ka thënë ministri.

Ministri Di Maio nuk ngurroi gjithashtu të kujtojë edhe personelin mjekësor që mbërriti nga Shqipëria gjatë krizës së pandemisë si dhe shprehu dëshirën për t’a falenderuar publikisht gjatë vizitës së tij të ardhshme në Tiranë që mendon ta kryejë pas pushimeve verore.

Me synimin për të realizuar një bashkëpunim më të ngushtë në fushën e ekonomisë si dhe për të zbutur efektet negative të krizës më të fundit të shkaktuar nga pandemia, Ministri di Maio propozoi aktivizimin sa më të shpejtë të Komisionit ekonomik të përbashkët Itali – Shqipëri, kuadër i cili mund të mundësojë dhënien e shtysës së duhur për rritjen e investimeve mes Italisë dhe Shqipërisë si dhe marrjen në konsideratë e më tej zgjidhjen e nevojave të sipërmarrësve italianë në Shqipëri dhe atyre shqiptarë në Itali.

Ndërsa gjatë bisedës me Kreun e PD, Ministri  italian shprehu sërish vlerësimin për përparimet në arritjen e marrëveshjes mes mazhorancës dhe opozitës përsa i përket reformës zgjedhore, duke shpresuar në ruajtjen e një fryme bashkëpunuese për vijueshmërinë me axhendën e reformave. “Realizimi i objektivave të përbashkëta në të mirën e Shqipërisë duhet të përqafohet nga të gjitha forcat politike pavarësisht dallimeve mes tyre” u shpreh Ministri. Ai theksoi në fund edhe rëndësinë e Këshillit Kombëtar për Integrimin Evropian duke inkurajuar liderin e Partisë Demokratike të punojë në mënyrë aktive në arritjen e objektivave të rëndësishëm për procesin e integrimit shqiptar në BE.

fax web

Lajme të tjera

Krimi elektoral “thyen” heshtjen zgjedhore/ Arrestohen 2 zyrtarë të PS-së në Elbasan, 2 të tjerë në kërkim (EMRAT)

Teksa subjektet politike kanë rënë në heshtje zgjedhore, mesditën e sotme prokuroria e Elbasanit dhe SPAK, ka nisur një operacion duke kryer një valë...

I zuri masivi i dheut në Gramsh! 2 të vdekur

Gramsh/Informacion paraprak Në fshatin Holta, gjatë punës në një kantier ndërtimi, dyshohet se aksidentalisht ka rrëshkitur një masiv dheu, dhe për pasojë kanë humbur jetën...

E rëndë në Gramsh/ Bie masivi i dheut dhe zë poshtë dy persona

Një ngjarje e rëndë është shënuar këtë të shtunë në fshatin Poroçan të bashkisë Gramsh, ku një masiv dheu është shembur në afërsi të...

Bandat kriminale në shërbim të Edi Ramës, Retorika e Sali Berishës dhe realiteti i Elbasanit

Nga denoncimet publike te votat pro në Këshillin Bashkiak: Si u shndërrua opozita në bashkëpunëtore të krimit të organizuar në zemër të Elbasanit... Në...

Sot heshtje zgjedhore, nesër qytetarët u drejtohen kutive të votimit! Ja çfarë ndodh nëse partitë shkelin Kodin Zgjedhor

Pas 1 muaji fushatë elektorale, Shqipëria sot është në heshtje zgjedhore, ndërsa të dielën, 11 maj qytetarët janë thirrur në votime për të vendosur...

EMRI/ Vrau Besnik Hidën bashkë me Laert Haxhiun dhe Orges Bilbilin, arrestohet në Athinë 51-vjeçari, pritet ekstradimi

Një shtetas shqiptar i shpallur në kërkim ndërkombëtar, me rrezikshmëri të lartë shoqërore, është arrestuar në Greqi me qëllim ekstradimi drejt Shqipërisë. Policia e Shtetit,...