Policia e Tiranës pas kontrolleve të shumta në zonën e “5 majit” ka prangosur 2 persona, 22 dhe 34 vjeç.
Policia bën me dije se këtyre personave u janë sekuestruar njësi kompjuterike, grirëse të lëndëve narkotike dhe municion luftarak.
Po ashtu, është prangosur edhe një faturues i energjisë elektrike për shpërdorim detyre, pasi nuk ka raportuar rastin.
“Specialistët për Hetimin e Krimit në Komisariatin e Policisë Nr. 4 bënë arrestimin në flagrancë të shtetasve K. P., 22 vjeç dhe E. Z., 34 vjeç, sepse me datë 14.05.2021, në rrugën “5-Maj”, gjatë kontrollit të ushtruar në banesën e marrë me qira nga K. P., iu gjet dhe iu sekuestruan në cilësinë e provës materiale, disa pajisje njësie kompjuterike, dy grirëse të lëndëve e dyshuar narkotike e llojit Cannabis Sativa, municion luftarak, si dhe iu konstatua lidhje e paligjshme e energjisë elektrike. Ndërsa shtetasi E. Z., duke qenë faturues i energjisë elektrike, dyshohet se ka shpërdoruar detyrën.” – njofton policia.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
ora news
