Policia Kufitare ka sekestruar velierën me flamur amerikan që u pikas paraditen e djeshme në portin e Vlorës. Mjeti lundrues është çuar në pikën e bllokimit në Triport, kjo pasi dyshohet se po përdorej për trafikimin e lëndëve narkotike dhe se ishte e vjedhur.
Ndërkohë autoritetet shqiptare kanë nisur puna për verfikimin e 4 shtetasve të huaj që ishin në bordin e anijes.Shtetasit rus dhe ukrainas janë ndaluar nga efektivët e Vlorës, të cilët kanë kërkuar informacione nga Interpoli për të mësuar nëse ndonjë prej tyrë ka “hesape të palara” me drejtësinë e ndonjë vendi.
Ukrainasit dje treguan itinerarin e tyre se udhëtonin nga Turqia në Mal të Zi teksa shtuan se kishin ndaluar në Shqipëri pasi u kishte mbaruar karburanti. Megjithatë mbetet për t’u parë nëse deklarimet e tyre janë të vërteta.
Vetëm pak javë më parë, edhe në Patok u gjet një velierë e braktisur, e cila kishtë si pronar një shtetas francez. Mjeti lundrues u vëzhgua për dy ditë rresht por askush nuk e vizitoi. Sipas pronarit, anija u parkua në Patok për shkak të probleme teknike që kishte pasur.
(k.m/dosja.al)
