Të burgosurit e Burgut të Peqinit që u futën në grevë urie, kanë zbardhur të gjitha kërkesat e tyre.
Kërkesat e dërguara në formën e shkresës drejtorit të Burgut, Kamber Hoxha, janë të tre karaktereve të ndryshme; administrative, legjislative dhe ekonomike.
Në listën e gjatë të kushteve shihen kërkesa të tipit: kalçeto brenda ambienteve, kafe më e lirë se sa aktualja, heqja e regjimit mbikëqyrës për të dënuarit që përdorin celularin, apo edhe heqja e dënimit me vdekje dhe përcaktimi deri në 20 vite burg.
Shkresa e të burgosurve dërguar drejtorit të Burgut të Peqinit Kamber Hoxha:
Nisur nga takimi zhvilluar ditën e sotme në ambientet e Regjimit të Brendshëm me të dënuarit e sigurisë së Lartë, Godina B, ku u zgjodhën nga dy të dënuar si përfaqësuesi e zgjedhur nga ana e tyre ju informojmë lidhur me pretendimet e tyre për refuzimin e ushqimit dhe ajrimit.
Kërkesat e tyre janë të tre lloj karaktereve
Karakteri legjislativ
Ndryshimi i burgimit të përjetshëm dhe përcaktimi deri në 20 vite burgim
Njohja e vuajtjes së dënimit për lirim me kush nga 3/4 në 3/5 të dënimit të vuajtur
Ndryshimi i sigurisë së burgut nga siguri e lartë në të zakonshëm që kanë plotësuar 2/3 të dnëmit
Amnisti e përgjithshme
Karakteri ekonomik
Çështja e ushqimit në institucion, cilësia dhe sasia
Çështja e kartave të telefonit me kompaninë Mobitel dhe shtimi i numrave për të bërë sa më shumë telefonata dhe për më shumë minuta në përmbajtjen e kartave telefonike nga kompania
Në lidhje me listën e Çmimeve të njësisë tregtare të IEVP-së të jenë të njëjtat me çmimin e tregut pasi kanë diferencë, p.sh kafja ekpress në njësinë tregtare është më e shtrenjtë se çmimi i tregut
Karakteri administrativ
Të hiqet regjimi i mbikëqyrjes së veçantë për të dënuarit që kapen me celularë
Në lidhje me propozimin në gjykatë me objekt Ulje dënimi nga Komisioni i Vlerësimit të IEVP-së mos të shkohet në rrëzim për pjesën e pranimit apo jo të veprës penale
Në lidhje me punësimin e të burgosurve pretendojnë që të punësohet në kuzhinë dhe myslimanë dhe të krishterë
Në lidhje me ndriçimin për fikjen e dritave në dhoma natën
Të hapen klasat për karakter edukativ
Të hapet kalçeto
Të krijohet një ambient për tharjen e rrobave.
Ora news
