Autoritetet greke në Kakavijë prej orëve të mbrëmjes së nesërme (5 gusht), nuk do të lejojnë qarkullimin e mjeteve apo dhe të çdo këmbësori drejt Greqisë përmes pikes kufitare të Kakavijës.
Burime për Ora Neës konfirmojnë se kjo nyje kufitare nga pala greke nuk do të funksionojë nga nesër e në ditët vijuese prej orës 22:00-06:00.
Qarkullimi për në Greqi do të jetë funksional vetëm prej orës 06:00-22:00 pasi në këtë orar do të ketë edhe kontrolle shëndetësore të shoqëruara me testime për Covid 19.
Karantina për çdo depërtim të shtetasve shqiptarë që do tu lejohet hyrja për në Greqi prej datës 16 gusht e në vijim, do të jetë e detyrueshme për 7 ditë.
Kjo vlen vetëm për ata shqiptarë që do të përdorin Pikën e Kalimit Kufitar të Kakavijës.
Këto masa të rrepta sigurie janë ndermarrë sot pasi një ditë më parë një qytetar shqiptar me shtetësi greke hyri në Greqi përmes Kakavijës në gjendje të rëndë shëndetësore i prekur me COVID-19 ç’ka u shtrua menjëherë në Spitalin Universitar të Janinës.
Ora news
