Një familje nga Teksasi që humbi nuhatjen për shkak të koronavirusit gati sa nuk vdiqën kur një zjarr përfshiu shtëpinë e tyre dhe ata nuk e nuhatnin tymin.
E vetmja anëtare e familjes që nuk kishte virus ishte vajza 17 vjeçarja, Bianca Rivera. Kur adoleshentja ndjeu erën e tymit në shtëpi, menjëherë evakuoi tre anëtarët e familjes dhe katër qentë e tyre.
“Unë nuk e quaj veten hero. Unë thjesht bëra atë që çdokush tjetër do të bënte për familjen e tyre“-tha Bianca për CNN.
Zjarri shpërtheu rreth orës 2 të mëngjesit në shtëpinë njëkatëshe, e cila pësoi dëmtime të mëdha.
“Kjo familje është me fat që është gjallë,” -shkroi departamenti i zjarrit në Waco.
“Fillova të nuhas plastmasë të djegur. Atëherë e kuptova dhe vrapova jashtë dhomës sime,” -tha Bianca.
“Unë nuk mund të kaloja as në korridor sepse kishte shumë tym.”
Ajo pastaj u kthye në shtëpi për të shpëtuar kafshët shtëpiake të familjes.
“Isha e vetme për të mbrojtur familjen time. Nuk kishte rëndësi për mua nëse do të lëndohesha ose do të digjesha për sa kohë ata ishin mirë,”- shtoi Bianca.
Një nga simptomat më të zakonshme të Covid është humbja e nuhatjes dhe e shijes.
Ora news
