Prej 24 orëve në Malin e Tomorrit vijon të jetë aktiv zjarri në pyllin e fshatit Lybeshë të Poliçanit.
Ndërkohë gjatë ditës së djeshme ushtria ka vijuar aksionin e saj për shuajren e flakëve të zjarrit në këtë zonë, por duket se terreni e ka vështirësuar shumë punën e tyre.
Autoritetet vendase këtë të martë kanë kërkuar ndihmë dhe ndërhyrje nga ajri, pasi forcat zjarrëfikëse e kanë shumë të vështirë të ndërhyjnë për të shuar flakë, shkak është bërë terreni i vështirë malor.
Përhapja e flakëve po favorizohet nga era e fortë. Ndërkohë, tentativat për shuarjen e zjarrit vijojnë me mjetet rrethanore.
Dyshohet se kanë qenë disa persona që i kanë vënë zjarrin kurorës me pisha. Këta të fundit janë marrë në pyetje nga policia, bashkë me to janë dhe disa të tjerë që mbledhin bimë medicinale në mal.e.su./abcnews.al
