15.6 C
Elbasan

Numër i ulët mjekësh në spitalet rajonale për të infektuarit me Covid

Spitali i Shkodrës ishte nga të parët në vend për të infektuarit me Covid.

Në shërbim të tyre janë një numër i ulët mjekësh krahasuar me 250 mijë banorë që ka qarku.

“Kemi 4 infeksionistë, 3 pneumologe, 4 reanimatore”, u shpreh ai.

Një mjek infeksionist, 2 mjekë pneumolog, një reanimator dhe 5 infermiere. Ky eshte stafi i spitalit të Lezhës që do të përballojë të sëmurët me Covid në momentin që do të hapet pavioni me 16 shtretër sipas skenarit të përcaktuar nga Ministria e Shëndetësisë.

Që prej dhjetë vitesh ky stafi mjekësor në spitalin e Lezhës nuk ka ndryshuar në numër.

Ndërkohë Elbasani është një nga qarqet më të mëdhenj në vend me 450 mijë banorë. Prej kohësh nuk ka pasur asnjë mjek pneumolog. Por më në fund, pak ditë më parë është punësuar një mjek.

Kur nisi pandemia e vetmja mjeke dha dorëheqjen dhe nisi punën në një klinike private.

Situatë problematikë është dhe në pavionin e sëmundjeve infektive. Atje ka vetëm një doktor, i cili e ka të pamundur tu shërbejë të sëmurëve me Covid, në një kohë që rastet janë në rritje.

Reparti që merret me trajtimin e Covid ka 81 shtretër, ku punon një mjek dhe 12 infermierë.

Stafi i mjekëve që do trajtojnë të infektuarit me Covid:

-1 mjek pneumolog

-1 mjek infeksionist

-3 reanimatore

Nga ana tjetër spitali Librazhdit nuk ka më asnjë mjek pneumolog. E  vetmja që punonte aty është transferuar në Elbasan.

 “Është një mungesë e madhe dhe organet përkatëse duhet të marrin masa për të sjellë një mjek tjetër”, tha Dr Abdin Isaklu.

Në Durrës prej disa ditësh pavioni i dedikuar për të infektuarit me Covid po pret pacientë në gjendje të rënduar. Aktualisht janë 55 persona të shtruar.

Pjesë e trupës mjekësore që po trajton të infektuarit me Covid në Durrës, janë 7 reanimatore, 2 infeksioniste dhe 3 pneumologë.

Edhe në Vlorë është bërë gati një pavion për të prekurit me Covid me 80 shtretër.

Ky spital numëron 83 mjekë të specialiteve të ndryshme. Nga të cilët 3 infeksionistë, 3 pneumologë dhe 4 reanimatorë.

Fillimisht këtyre pacientëve do t’ju shërbejnë 20 infermierë.

Ndërkohë në spitalin e Fierit janë përshtatur dy ambiente për të pritur të infektuarit me Covid. Ata do të trajtohen nga një staf i kufizuar mjekësh, nga një infeksionist, 3 pneumologë, 3 reanimatorë dhe 70 infermier. Ndërsa po bëhen gati 70 shtretër të dedikuar për të prekurit e mundshëm nga Covid.

Stafi i mjekëve që do trajtojnë të infektuarit me Covid:

-1 infeksionist

-3 pneumologë

-3 reanimatorë

Ndërsa në spitalin rajonal të Dibrës po bëhet gati një pavion për të infektuarit me 40 shtretër. Sa i përket stafit ka vetëm një mjek pneumolog dy infeksionistë dhe 1 reanimator.

Stafi i mjekëve që do trajtojnë të infektuarit me Covid:

-1 pneumolog

-2 infeksionistë

-1 reanimator

Edhe në Kukës stafi mjekësor duket se është shumë i cunguar në shërbimet që trajtojnë të prekurit nga koronavirusi.

Në këtë spital shërben vetëm 1 pneumologe, e një reanimator, i cili duhet të punojë si në spital ashtu dhe në maternitet.

Stafi i mjekëve që do trajtojnë të infektuarit me Covid:

-1 pneumolog

-1 reanimator

-1 infeksionist

/abcnews.al/

Lajme të tjera

Panik në Astir, apartamenti përfshihet nga flakët, zjarrfikësja në vendin e ngjarjes

Një apartament në Tiranë është përfshirë pasditen e sotme nga flakët. Ngjarja raportohet të ketë ndodhur në zonën e “Astirit” pranë një zyre postare...

Plas’ brenda koalicionit të PD, Berisha u mbyll kutitë kandidatëve, Meta kërkon rinumërim votash

Partia e Lirisë kërkon rinumërimin e votave në Kavajë. Sekretari i Përgjithshëm i PL, Tedi Blushi depoziton kërkesën zyrtare në KQZ. Blushi: Të rinumërohen të gjithë...

Nuk u vendosnin gjoba për shkelje shoferëve të makinave, Prokuroria e Elbasanit çon në gjyq 6 policë

Prokuroria e Elbasanit ka çuar në gjyq 6 punonjës policie, pasi dyshohet se nuk vendosnin gjoba ndaj drejtuesve të automjeteve që shkelin rregullat e...

Elseid Hysaj: Të mos përsëritet ndeshja e Beogradit, nuk është një i imazh i bukur për ne

Në prag të përballjes delikate dhe shumë të rëndësishme mes Shqipërisë dhe Serbisë, mbrojtësi kuqezi Elseid Hysaj ka folur për atmosferën në ekip dhe...

ROMANI KRIMINAL I ELBASANIT/ Nga atentatet e dështuara për eliminim tek “Masakra eBradasheshit” – Rrëfimi i të penduarit Erion Alibej

Në kohën kur Elbasani ishte nën “kthetrat” e krimit dhe kur shumë vrasje po trondisnin vendin, “fajtorët” kërkoheshin në radhët e Policisë. E ndoshta,...

Pesë Arsye Përse Duhet të Hani Vezë më Shpesh

Veza është një nga ushqimet më të shëndetshme për njeriun që ka pësuar një rikthim triumfues, pas pretendimeve për rolin e saj negativ në...