26.4 C
Elbasan

Numri i viktimave Covid në vend mbetet në nivele alarmante, ja sa raste të reja u regjistruan për 24-orë

Gjatë 24-orëve të fundit në vend kanë humbur jetën si pasojë e koronavirusit 8 qytetarë, si dhe janë regjistruar  538 raste të reja nga 2276 testime të kryera.

Ministria e Shëndetësisë raporton se janë shëruar 405 qytetarë, duke e çuar numrin e të shëruarve 27.831 që prej fillimit të epidemisë.

Njoftimi i plotë i MSHMS: Ministria e Shëndetësisë dhe Mbrojtjes Sociale në prag të festave të fundvitit ju bën apel qytetarëve të kufizojnë kontaktet, të shmangni grumbullimet dhe të festojnë brenda familjes së tyre të vogël. Vetëm në këtë mënyrë mund të kemi festa të shëndetshme dhe të parandalojmë përhapjen e virusit SarsCov2.

Ministria e Shëndetësisë dhe Mbrojtjes Sociale ju informon për situatën COVID19 në 24 orët e fundit:

Janë kryer 2276 testime dhe kanë rezultuar pozitivë 538 qytetarë. Rastet pozitive të konfirmuara janë identifikuar në këto bashki: 192 raste në Tiranë, 45 raste në Shkodër, 38 raste në Durrës, 22 raste në Kavajë, 21 raste në Fier, 18 raste Berat, 17 raste në Elbasan dhe Lezhë, 15 raste në Sarandë, 14 raste në Korçë, 13 raste në Lushnje, 12 raste në Mat, 11 raste në Vlorë, 9 raste në Përmet, Krujë, Kukës, Mallakastër, 8 raste në Gjirokastër, 7 raste në Kurbin dhe Tropojë, 5 raste në Pogradec, Skrapar, Peqin, 4 raste në Devoll, Librazhd, 3 raste në Tepelenë she Has, 2 raste në Delvinë, Fushë- Arrez, Dibër dhe Gramsh, 1 rast ne Pukë, Mirditë, Ura-Vajgurore, Vau Dejës, Belsh, Malësi e Madhe, Kuçovë, Cërrik.

Në 24 orët e fundit janë shëruar 405 qytetarë, duke e çuar numrin e të shëruarve 27.831 që nga fillimi i epidemisë.

Numri i të shtruarve në spitale vijon të jetë i qëndrueshëm. Aktualisht në 4 spitalet COVID, po trajtohen 376 pacientë, 30 në terapi intensive nga të cilët 10 pacientë janë të intubuar.
Megjithë përpjekjet e mjekëve, në 24 orët e fundit nuk kanë arrtitur të fitojnë betejën me sëmundjen 8 qytetarë me Sars-Cov2 pozitiv në spitalet COVID: 7 qytetarë nga Tirana, 1 qytetar nga Librazhi të moshave 58-85 vjeç.
Ministria e Shëndetësisë dhe Mbrojtjes Sociale i shpreh ngushëllime familjarëve të të ndjerëve.

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes, për t’u referuar për testim, ndjekje të vazhdueshme dhe për rimbursimin e barnave të trajtimit ambulator në banesë. Nëse nuk e dini cili është mjeku juaj i familjes, telefononi linjën e gjelbër falas 0800 40 40 për ta mësuar dhe për t’u vendosur në kontakt me mjekun tuaj të familjes.
Gjithashtu është në dispozion 24 orë në 7 ditë të javës numri unik 127 i Urgjencës Kombëtare, ku mund të telefononi kur dyshoni se keni shenja të sëmundjes dhe duhet të kryeni testimin për COVID19 apo nëse keni nevojë për trajtim të specializuar spitalor në spitalet COVID.

Lajme të tjera

Betohet qeveria e re e Greqisë, ja kush janë ministrat e Kyriakos Mitsotakis

Përfundoi betimi i anëtarëve të rinj të qeverisë pak pas orës 11:00 në Pallatin Presidencial, në prani të Presidentit të Republikës, Kostas Tasoulas. Kjo u...

Kim Kardashian humbi diamantin 600 milionë dollarësh në Indi?! Fansat e akuzojnë për mashtrim

Në episodin e radhës së “The Kardashians”, të transmetuar një ditë më parë, Kim dhe Khloe Kardashian treguan udhëtimin e tyre në qytetin e...

Zjarr i madh në fshatin Gjorgoz në Fier, flakët afrohen pranë tokave të mbjella me ullinj

Një zjarr i madh ka rënë paraditen e sotme në kodrat e fshatit Gjorgoz në Fier. I favorizuar nga era e fortë, flakët janë përhapur...

Protesta e opozitës, Policia e Tiranës njofton për rrugët që do të bllokohen sot në kryeqytet

Drejtoria Vendore e Policisë Tiranë është njoftuar nga përfaqësues të subjektit politik Partia Demokratike e Shqipërisë, për zhvillimin e një tubimi, më datë 15.03.2035,...

Elbasan / Ja çfarë ka ndodhur gjatë dy ditëve

Drejtoria Vendore e Policisë Elbasan Specialistët për Hetimin e Krimeve të Komisariatit të Policisë Gramsh arrestuan në flagrancë shtetasin M. T., 38 vjeç dhe referuan...

E rëndë/ Një grua i jep fund jetës në Elbasan pasi piu fotoksinë

-Më datë 13.03.2025, rreth orës 18:30, është marrë njoftim se është dërguar për mjekim, në gjendje të renduar shëndetësore, shtetasja R. C., 52 vjeçe....