Një 50 vjeçar është arrestuar në Srapar, pasi rezultoi se nxirrte pllaka dekorative nga mali i Tomorrit në mënyrë të kundërligjshme.
Sipas informacioneve, “u bë arrestimi në flagrancë i shtetasit B. L., 55 vjeç, banues në Skrapar.
Si dhe u procedua në gjendje të lirë shtetasi P. M., 40 vjeç, banues në fshatin Çërrave, Pogradec.
Arrestimi i shtetasit B. L. u bë pasi dyshohet se në mënyrë të kundërligjshme ka nxjerr pllaka guri dekorative, në Malin e Tomorit, zonë e shpallur “Park Kombëtar”, duke dëmtuar habitatin natyror të zonës së mbrojtur”.
Sakaq 40 vjeçari mësohet se ka blerë materialet, të cilat u kap duke transportuar me mjetin tip kamion, 9 m3 pllaka dekorative pa dokumentacionin përkatës.
Materialet u referuan në Prokurorinë pranë Gjykatës së Shkallës së Parë Berat, për veprime të mëtejshme.
