Pacientët e shtruar në spitalin Rajonal të Korçës kërkojnë ndihmë pasi nuk po marrin shërbimet e duhura mjekësore.
Ata bëjnë të ditur se prej 4 ditësh nuk po iu bëhet dializa. Duke qënë se janë të stresuar dhe lodhur nga gjendja ku ndodhen, kanë vendosur të dalin në ambientet e jashtme të pavionit për tu qetësuar.
Ata thonë se shkak për këtë sorrollatje është bërë fakti se një prej pacientëve që bënte dializë ka dalë me Covid.
“Problemi është këtu, nuk po hyjmë dot në dializë, kemi katër ditë, ne duhet ta bëjmë një ditë po një ditë jo. Infermierët nuk na fusin në dializë, thonë që në furgonin që vimë ne ka dalë një person me Covid, gjë që nuk është e vërtetë, dhe në rast se ne kemi pasur kontakt me të, të na bëjnë tampon. Këtu as temperaturën nuk na e masin, se këta bejlerët vinë kur duan në punë, ndihemi të klërcënuar shumë, na bëjnë presion. Sa erdhi doktori më tha pse bën llafe, se të kap në fyt dhe tëe mbys, e dyshuara që doli pardje me Corona, kishte një muaj që e mbanin me oksigjen dhe nuk i bënin tampon. Kur erdhi në pikën e fundit, i bënë tampon”, shprehet i revoltuar një prej qytetarëve për FaxNews.
(A.B)/Dosja.al
