21.9 C
Elbasan

Pandemia/ Shqipëria mbyllet javën tjetër: Rama e refuzoi propozimin e parë

Qeveria dhe kryeministri Edi Rama i refuzuan këshillat e ekspertëve për të mbyllur vendin gjatë fundjavës. Syri TV siguron dokumentin ekskluziv, ku Komiteti i Ekspertëve iu ka sugjeruar mbylljen prej orës 22:00 të së premtes deri në orën 6:00 të së hënës, por që nuk është vënë në zbatim. Këto masa u shtynë me një javë dhe pritet të zbatohen fundjavën e ardhshme. Refuzimi i vendimit të Komitetit të Ekspertëve nga qeveria ngre pikëpyetje mbi menaxhimin e pandemisë.

Shqipëria do të shkojë drejt një mbylljeje të dytë, fundjavën që vjen. Syri TV ka siguruar informacionet dhe një e-mail me vendimet e Komitetit Teknik të ekspertëve, që sugjeron këtë fundjavë, mbylljen totale të vendit, por që me sa duket nuk është vënë në zbatim nga ana e Qeverisë dhe kryeministrit Edi Rama.

Në këtë dokument, sipas sugjerimit të Këshillit të Ekspertëve duhej të ndalohej lëvizja e qytetarëve nga ora 22: 00 e së premtes deri në orën 6: 00 të mëngjesit të së hënës dhe gjatë kësaj periudhe duhej të lejoheshin vetëm emergjencat, lëvizjet për arsye shëndetësore apo të domosdoshme, për të cilat duhet aplikim në e-albania.

Në pikën e dytë të kufizimeve parashikohej ndalimi i aktiviteteve tregtare nga e premtja në mbrëmje deri mëngjesin e së hënës, përveç farmacive, marketeve dhe dyqaneve ushqimore.

Ndërsa në pikën e tretë sanksionohet mbyllja e aktiviteteve si bare dhe restorante prej orës 10:00 të mëngjesit të së premtes deri mëngjesin e së hënës, përveç shërbimit “delivery”, i cili do të vijojë të funksionojë.

Pas zbulimit të këtij dokumenti, pikëpyetje të forta ngrihen mbi menaxhimin e pandemisë dhe marrjen parasysh të këshillave të Komitetit të Ekspertëve, që sipas kryeministrit janë ata që vendosin për çdo masë të marrë apo për protokollet e trajtimit mjekësor.

Po të njëjtat burime konfirmuan për Syri TV se masat e sipërcituara, të refuzuara nga Qeveria për t’u futur në fuqi, pritet të zbatohen fundjavën e ardhshme, por ato mund të rishqyrtohen me lehtësira nëse situata pandemike nuk do të ketë përkeqësim.

Madje zyrtarët e lartë janë kujdesur që në materialin qeveritar që pritej të bëhej publik, të përdornin nota patriotike gjatë adresimit ndaj qytetarëve.

Ky material niste me fjalinë se kush është patriot dhe e do kombin, për të mbrojtur familjen dhe jetën duhet të qëndrojë në shtëpi, duke vënë tashmë në dyshim nëse personat që kanë refuzuar të miratojnë vendimin e Komitetit të Ekspertëve, e duan më pak kombin.

Image

 

 

© SYRI.net

Lajme të tjera

KRIM I RËNDË në familje në Dibër, djali plagos me thikë nënën! 50-vjeçarja përfundon tek Trauma, arrestohet 26-vjeçari (EMRI)

Një ngjarje e rëndë ka ndodhur pasditen e sotme në Pocest të Maqellarës ku djali ka plagosur me thikë nënën e tij. Lidhur me ngjarjen...

U mbyt me tel dhe u masakrua në pjesët intime nga vajza e bashkëshortja, Prokuroria e Fierit jep DETAJE të tjera: Anesti Rama kishte...

Prokuroria e Fierit ka dhënë ditën e sotme detaje nga vrasja e 56-vjeçarit Anesti Rama, i cili u dhunua dhe u mbyt me tel...

Vijon edhe sot fluksi i lartë në pikën kufitare në Qafë Thanë, 30 mijë udhëtarë në tre ditë

Vijon edhe gjatë ditës së sotme fluksi i lartë i udhëtarëve në pikën kufitare të Qafë Thanës. Dhjetëra automjete nga Maqedonia e Veriut presin...

E vranë dhe e copëtuan me sëpatë sepse harroi të përgatiste darkën? Nëna e 35-vjeçarit pranon krimin, roli i partneres së të riut në...

“Bëra diçka monustroze, por ishte e nevojshme”, kështu ka deklaruar para grupit hetimor 62-vjeçarja Lorena Venier e cila ditë më parë vrau me sëpatë dhe...

Vidhte kabujt elektrikë të ndriçimit të rrugëve, pranga hajdutit në Durrës

Vidhte kabujt elektrikë të ndriçimit të rrugëve, pranga hajdutit në Durrës Një 35-vjeçar ka rënë në prangat e policisë së Durrësit, pasi vidhte kabujt elektrikë...

Ditën e shtunë vendi ynë do të jetë nën ndikimin e kushteve atmosferike relativisht të qëndrueshme.

Moti parashikohet i kthjellët dhe alternime vranësirash, kryesisht në orët e mesditës deri pasdite. Reshjet e shiut do të jenë të dobëta, vetëm përgjatë maleve.