Moti sjell surpriza, shijoni ditën sot sepse priten reshje shiu e dëborë në ditët në vazhdim
Sipas Metoalb, mot i qendrueshëm do të mbizotërojë në vend deri mbrëmjen e së martës. Në pjesën veriore do të rikthehen reshjet e shiut.
Në orët e para të së mërkurës, reshjet e shiut do të përfshijnë pjesën më të madhe të vendit me intensitet deri mesatar dhe në veriperëndim me prani shtrëngatash. Në veri e verilindje, reshjet e dëborës përkohësisht do të fitojnë terren deri në kuotat kodrinore.
Ditën e enjte dhe të premte do të karakterizohen nga mot i qendrueshëm me diell.
Të martën era do të fryjë nga kuadrati i jugut e vrullshme dhe do të sjellë shtim të dallgëzimit.
Temperaturat ashtu sikundër shihen në tabelë, do të pësojnë luhatje të ndjeshme.
