Pas ditëve të ftohta me borë dhe ngrica në vend pritet të nisin sërish reshjet e shiut. Koorporata Elektroenenergjitike shqiptare ka njoftuar në faqen e saj zyrtare se pas në datat 22 deri në 26 Janar priten reshje intensive në vend dhe për pasojë prurjet në Hec Fierzë, Koman dhe Vau Dejës priten të rriten ndjeshëm.
Ajo njofton se shkarkimet do të menaxhohen me kujdes dhe nuk duke u bazuar në nivelin aktual të prurjeve ato nuk do të kenë ndikim në zonën e nën-Shkodrës.
“Raportet meteorologjike parashikojnë se për periudhën 22-26 Janar 2021 priten rreshje intensive shiu, në të tre basenet e kaskadës së lumit Drin dhe për pasojë prurjet në Hec Fierzë, Koman dhe Vau Dejës priten të rriten ndjeshëm. Sekretariti Teknik i Komisionit të Posaçëm të Trajtimit të Plotave vijon punën në marrjen e masave paraprake për ti paraprirë situatës që pritet të vijë në ditët në vijim.
Për këtë arsye, shkarkimet e kontrolluara në Hec Vau Dejës u rritën nga 300 m3/s në 700 m3/s me synim parandalimin e shkarkimeve të medha në momentet e pikut të prurjeve natyrore.
Shkarkimet do të menaxhohen me kujdes duke ndjekur në dinamikë zhvillimet meteorologjike. Bazuar në informacionin aktual të prurjeve, shkarkimet nuk do të kenë ndikim në zonën e nën-Shkodrës. KESH, do të vijojë bashkëpunimin me autoritetet përgjegjëse dhe do të mbajë të informuar në mënyrë transparente opinionin publik”, thuhet në njoftim./mv.abcnews.al
