Partia Demokratike ka depozituar një tjetër kallëzim në Prokurorinë e Posaçme duke kërkuar hetim edhe për incenartorin e Fierit. Në denoncim opozita kërkon që organi i akuzës të pezullojë nga detyra deri në fund të procesit të gjithë zyrtarët e dyshuar.
Partia Demokratike ka vijuar kallëzimet në Prokurorinë e P0osaçme, duke kërkuar hetime për çështjen e inceneratorëve.
Një ditë pas padisë penale të depozituar për inceneratorin e Tiranës, të martën dy përfaqësuesit e Partisë Demokratike Endri Hasa dhe Çlirim Gjata denoncuan procedurën për inceneratorin e Elbasanit.
Të paditurit nga PD janë kryeministri Edi Rama, ministri Arben Ahmetaj, Lefter Koka dhe administratorja e kompanisë “Albtek Energy” që ka inceneratorin e Elbasanit, Stela Gugallja.
Në kallëzimin penal që Ora News e disponon, të paditurit akuzohen për krijim të grupit të strukturuar kriminal, shpërdorim detyre, shkelje të barazisë në tendera, etj.
Në kërkesën dorëzuar SPAK përfaqësuesit e selisë blu, krahas nisjes se ndjekjes penale kërkuan edhe marrjen e masës së sigurimit personal të pezullimit nga detyra ndaj personave të dyshuar.
Një ditë më parë Partia Demokratike denoncoi inceneratorin e Tiranës i cili sipas opozitës i ka shkaktuar buxhetit të shtetit një dëm 430 milion euro.
Ndërkohë që prej muajit shtator, SPAK ka nisur verifikimet për çështjen e inceneratorëve duke sekuestruar gjithë dokumenacionin e kontratave, por edhe dosjet e kompanive fituese në këto procedura.
Ora tv
