Kreu i Partisë Demokratike, Lulzim Basha do të mbledh sot grupin Parlamentar të kësaj partie.
Lajmi është bërë i ditur nga gazetari i ABC, Juxhin Mustafaraj i cili raporton se takimi i Bashës me grupin Parlamentar të PD do të nis në orën 12:30 në selinë blu.
Nuk dihet ende nëse do të ketë një reagim nga kreu i PD-së.
Kujtojmë se më herët gjatë ditës së sotme, Partia Socialiste mblodhi kryesinë e Grupit Parlamentar, gjatë të cilës është diskutuar mbi ndryshimet Kushtetuese si edhe vettingun e gjyqtarëve dhe prokurorëve. Gjatë mbledhjes, kreu i Grupit Parlamentar të PS-së, Taulant Balla tha se vettingu duhet të vijojë të kryhet nga Komisioni i Pavarur i Kualifikimit si shkallë e parë dhe Komisioni i Posaçëm i Apelimit si shkallë e dytë dhe jo të kalojë në KLGJ dhe KLP.
Për të miratuar ndryshimet kushtetuese do të duhen 94 vota, të cilat PS nuk i ka, gjë që bën të domosdoshme mbështetjen nga demokratët. Deri më tani, nuk ka një reagim nga ana e tyre nëse do të futen apo jo në negociata. /abcnews.al/
