6.9 C
Elbasan

PD mbyll fazën e parë të përzgjedhjes së kandidatëve: Nga 3648 emra, fitojnë 946

Komisioni i Vlerësimit të Kandidatëve pranë Partisë Demokratike ka përfunduar fazën e parë të verifikimit të kandidatëve, në përfundim të së cilës ka ftuar 946 kandidatënga 3648 kandidatë të propozuar nga anëtarët, që të plotësojnë Formularin e Vetëdeklarimit për figurën dhe integritetin.

Sipas selisë blu, procesi i përzgjedhjes në fazën e parë ka qenë kompleks dhe i vështirë, për shkak të numrit të lartë të kandidaturave cilësore të propozuara nga anëtarët e partisë. Për shkak të një numri limit kandidatësh për çdo degë në fazën e parë, nevojës për ruajtjene kuotave të përfaqësimit gjinor apo të rinisë, sipas metodologjisë së miratuar paraprakisht nga Komisioni, kanë mbetur pa marrë njoftim në këtë fazë një numër kandidatësh që përmbushnin kriteret formale dhe gëzonin cilësitë e nevojshme formale për përfaqësim politik të Partisë Demokratike.

Kandidatët që nuk janë njoftuar për të plotësuar Formularin e Vetëdeklarimit janë përfshirë në listën e kandidatëve që i është shtyrë aprovimi dhe të dhënat e tyre i janë përcjell Sekretariatit të Burimeve Njerëzore të Partisë Demokratike, për t’u përfshirë në databazën e burimeve qeverisëse të Partisë Demokratike. Sipas vendimit të Kryesisë së Partisë Demokratike, lista e kandidatëve që i shtyhet aprovimi përbën një listë të certifikuar të burimeve njerëzore të Partisë Demokratike, që do të  përdoret për përfaqësimin e Partisë në nivelet ekzekutive politike, në detyra shtetërore si funksionarë politik apo nëpunës shtetëror të nivelit drejtues, apo si përfaqësues në këshillat lokal.

Fazës së dytë të verifikimit, që lidhet me figurën dhe integritetin, do ti nënshtrohen kandidatët që do të plotësojnë Formularin e Vetëdeklarimit, të ndarë në qarqe si më poshtë:

  1. Qarku Kukës janë përzgjedhur në fazën e parë 24 kandidatë, nga të cilët janë6 gra dhe 4 të rinj nën moshën 35 vjeç.
  2. Qarku Dibër, janë përzgjedhur në fazën e parë 26 kandidatë, nga të cilët janë8 gra dhe 6 të rinj nën moshën 35 vjeç.
  3. Qarku Berat, janë përzgjedhur në fazën e parë 36 kandidatë, nga të cilët janë 10gra dhe 7 të rinj nën moshën 35 vjeç.
  4. Qarku Gjirokastër, janë përzgjedhur në fazën e parë 37 kandidatë, nga të cilët janë 12 gra dhe 2 të rinj nën moshën 35 vjeç.
  5. Qarku Lezhë, janë përzgjedhur në fazën e parë 56 kandidatë, nga të cilët janë 15 gra dhe 14 të rinj nën moshën 35 vjeç.
  6. Qarku Korçë, janë përzgjedhur në fazën e parë 66 kandidatë, nga të cilët janë 17gra dhe 15 të rinj nën moshën 35 vjeç.
  7. Qarku Shkodër, janë përzgjedhur në fazën e parë 67 kandidatë, nga të cilët janë 21 gra dhe 16 të rinj nën moshën 35 vjeç.
  8. Qarku Vlorë, janë përzgjedhur në fazën e parë 79 kandidatë, nga të cilët janë 23gra dhe 18 të rinj nën moshën 35 vjeç.
  9. Qarku Durrës, janë përzgjedhur në fazën e parë 94 kandidatë, nga të cilët janë 19 gra dhe 28 të rinj nën moshën 35 vjeç.
  10. Qarku Fier, janë përzgjedhur në fazën e parë 101 kandidatë, nga të cilët janë 23 gra dhe 30 të rinj nën moshën 35 vjeç.
  11. Qarku Elbasan, janë përzgjedhur në fazën e parë 112 kandidatë, nga të cilët janë 33 gra dhe 23 të rinj nën moshën 35 vjeç.
  12. Qarku Tiranë, janë përzgjedhur në fazën e parë 248 kandidatë, nga të cilët janë 67gra dhe 55 të rinj nën moshën 35 vjeç.

 Në përfundim të fazës së dytë, do të bëhet një reduktim i mëtejshëm i numrit të kandidatëve, drejt një numri limit kandidatësh të përcaktuar paraprakisht që do të dërgohen për konsultim tek antarësia e Partisë Demokratike.

Abc

Lajme të tjera

Mbyllet hapësira ajrore në Venezuelë, Trump: Sulmet tokësore do të nisin shumë shpejt

Momenti i një sulmi amerikan kundër territorit venezuelian mund të jetë i afërt. Presidenti Donald Trump njoftoi në platformën Social Truth se hapësira ajrore...

I dyshuar për shpërdorim detyre dhe kryerje të marrëdhënieve seksuale me dhunë

AMP ka ndaluar një punonjës të policisë në Dibër, pasi dyshohet për shpërdorim detyre dhe kryerje të marrëdhënieve seksuale me dhunë. Akuzat ndaj të dyshuarit...

Java e 13-të në Superligë, Tirana mund Vllazninë dhe e zbret nga kreu, “paqe” në Elbasan

Futbolli shqiptar u rikthye në fushë këtë të premte me superligën që nisi javën e 13 të saj. Teuta duket sa ka hedhur seriozisht...

Vaksinë e re për djemtë, ashtu si vajzat, 13-vjeçarët do të mbrohen ndaj HPV

Kalendarit kombëtar të vaksinimit i shtohet një vaksinë e re, specifikisht për djemtë. Duke filluar nga janari i 2026-ës, edhe djemtë 13-vjeçarë, ashtu sikurse...

Shembet shtëpia në Maliq nga reshjet, familja me 5 anëtarë në qiell të hapur

Shirat dhe përmbytja e para pak ditëve në juglindje ka sjellë jo pak dëme në banesa. Në fshatin Zvirinë të bashkisë Maliq, kjo banesë...

Gramsh/ Vullnetar mbjellin pemë në pyjet që u dogjën nga zjarri i verës

“Në ditën e Festave Kombëtare mbillen 8 mijë fidane pishe :Dhjetëra vullnetarë dhe një mision për Shqipërinë e gjelbër” në Gramshin shkrumbuar nga zjarret...