Në pikën kufitare të Kakavijës, ditën e sotme janë krijuar radhë të gjata makinash dhe qindra qytetarë në pritje për të kaluar.
Radhët e automjeteve janë krijuar për shkak të kontrolleve të rrepta të palës greke, por edhe për shkak të sporteleve të pakta që janë në punë për të përpunuar dokumentacionin e qytetarëve.
E njëjta situatë ishte edhe një ditë më parë, 23 qershor.
Pas lehtësimit të masave shqiptarët po dynden drejt Greqisë, shumica prej tyre për punë e një pjese e vogël për të takuar të afërmit.
Më datë 23.06.2021, shërbimet e DVKM Gjirokastër, kanë përballuar një volum normal aktivitetesh në kontroll të udhëtarëve dhe mjeteve, gjatë hyrjes dhe daljes në R.Sh-së.
Në funksion të këtij aktiviteti, janë përpunuar një numër prej 1930 shtetasish në hyrje–dalje, nga të cilët 842 në hyrje dhe 1088 në dalje.
Burimet thonë se pala greke punon me vetëm 2 sportele.
ora news
