Të rinjtë shqiptarë që urdhërojnë ushtarët grekë. Këto janë pamjet që po bëjnë xhiron e rrjetit në mediat sociale dhe që kanë shkaktuar një stuhi reagimesh në Greqi.
Një video e publikuar fillimisht në Instagram tregon se si një i ri shqiptar urdhëron një dyzinë me ushtarë grekë.
Madje në një moment ai i urdhëron ushtarët të thonë emrin e një shqiptari.
Personi që flet shqip del para kamerës dhe nuk kursen edhe një përshëndetje për “çunat e 5 Majit”.
Nëse videoja nuk është përpunuar dhe çfarë tregon ajo korrespondon me realitetin, atëherë lind një pyetje e madhe për mënyrën se si forcat e armatosura greke zgjedhin drejtuesit e tyre, shkruan media greke “Zougla”.
Sipas informacioneve, në lidhje me videon është njoftuar edhe Shtabi i Përgjithshëm i Ushtrisë greke, i cili ka nisur edhe hetimet.
/a.r,OraNews
