19.3 C
Elbasan

Policë më të shkurtër, ndryshojnë disa kritere nga viti i kaluar

Policia e shtetit ka hapur aplikimet për 300 vende të reja për personat që duhet të bëhen pjesë e uniformave blu. Në ndryshim nga viti i shkuar policia ka zbutur kriterin e gjatësisë, ku pranohen dhe kandidatët më të shkurtër. Një tjetër kriter që duhet të plotësohet është dhe mosha nga 18 deri në 30.

Policia e shtetit ka hapur aplikimet për 300 vende të lira për personat që duhet të bëhen pjesë e uniformave blu, të cilët duhet të plotësojnë disa kritere dhe dokumente.

Në ndryshim nga viti i kaluar ku ishin 500 vende të lira në radhët e policisë, këtë vit janë vetëm 300 të tillë, që pritet të plotësohen pas mbylljes së fazës së aplikimeve.

Disa prej kritereve gjatë këtij viti janë ndryshuar nga policia e shtetit. Një prej tyre është dhe gjatësia ku aplikantët meshkuj duhet të jenë me gjatësi jo më pak se 170 cm, ndërsa për femrat 160 cm.

Në aplikimet e shkuara, ky kriter ishte 175 cm për meshkujt ndërsa 165 për femrat.

Një tjetër kriter që krahasuar me vitin e shkuar është shtuar është dhe mosha, ku aplikantët duhet të kenë mbushur moshën 18-vjeç dhe të jenë në 30-vjeç.

Kandidatët duhet të plotësojnë dhe një serë kriteresh të tjera para se të bëjnë aplikimin, të cilat kanë të bëjnë me arsimin, aftësitë për të shërbyer në polici, apo të plotësojnë dhe formularin që shkarkohet pranë faqes së policisë së shtetit.

Një pjesë e procesit vijon të jetë i njëjtë me vitin e shkuar, ku faza e konkurrimit, shqyrtimi i dokumentacionit dhe procesi i ankimimit nuk kanë ndryshuar.

Aplikanti ka të drejtën e ankimit tek Drejtori i Policisë Vendore brenda 2 ditëve nga data e njoftimit të përgjigjes. Drejtori i Policisë Vendore shqyrton dhe kthen përgjigje brenda 5 ditëve nga data e marrjes së ankesës.

Policia shprehet se afati i aplikimeve për të ndjekur shkollën bazë të policisë për patrullë të përgjithshme është nga data 13 korrik deri në datën 10 gusht.

Aplikimet dorëzohen pranë Drejtorive Vendore të Policisë, ku aplikanti ka vendbanimin e përhershëm.

Në përfundim të gjithë procesit të konkurrimit, 300 kursantët fitues do të ndjekin studimet në Kolegjin Profesional të Lartë “Kolegji i Policisë” për “Patrullë të Përgjithshme”, në Akademinë e Sigurisë.

Ora news

Lajme të tjera

Plagosja në Vlorë, 25-vjeçari u godit me thikë pranë zemrës

Një person është goditur me thikë. Ngjarja ka ndodhur në lagjen “Isa Boletini””, pranë një berberhane në qytetin bregdetar. I plagosur ka mbetur një 25-vjeçar M....

U zhduk një ditë më parë në Sarandë pa lënë gjurmë, nxirret i pajetë nga deti trupi i turistit portugez

Është gjetur trupi i pajetë i shtetasit portugez A. G., 57 vjeç, i cili ishte raportuar i zhdukur një ditë më parë në Sarandë. Sipas...

Librazhd/ Vodhën me dhunë, arrestohen dy persona

Librazhd/Finalizohet operacioni policor i koduar “Partners in crime”, për goditjen e veprimtarisë kriminale në fushën e vjedhjes së pronës dhe pasurisë. Iu morën me dhunë...

Vrasja e 52-vjeçares në Pogradec, arrestohet autori i dyshuar! Mendohet se ka pasur lidhje intime me viktimën

Një person i dyshuar për vrasjen e 52-vjeçares në Pogrdec, mëngjesin e sotëm, është arrestuar. Dyshohet se Kozeta Teço ka pasur lidhje intime me viktimën,...

Vrasja makabre e 55-vjeçarit nga e bija dhe i dashuri i saj, lihen në burg autorët e dyshuar

Tre të akuzuarit për vrasjen e Anesti Ramës u lanë në burg nga Gjykata e Shkallës së Parë në Fier. Ngjarja e rëndë ndodhi tre...

Aksident i rëndë në aksin Peqin-Rrogozhinë, dy shtetas të huaj në gjendje kritike

Rreth orës 13:40 të ditës së sotme, në aksin e rrugës kombëtare Peqin-Rrogozhinë ka ndodhur një aksident i rëndë rrugor. Sipas burimeve nga vendngjarja, në...