Gjatë prezantimit të programit të për shkollën dhe arsimin, kryeministri i vendit Edi Rama bëri një sërë premtimesh. Ai premtoi se një risi e re do të jetë futja e gjuhës angleze që në klasë të parë në të gjitha shkollat e vendit.
“Unë do të prek disa pika të planit 2021-2025 ne nuk vijmë dot në fushën e kësaj ndeshje me menu dëshirash kap çfarë të kapësh, por ne vijmë me një plan veprimi të studiuar mire, është konsoliduar dhe është aty për tu zbatuar me të gjithë mbështetjen financiare. Ne nuk jemi KÇK por jemi qeveria sot dhe nesër. Gjuha angleze do të fillohet të mësohet që nga klasa e parë.
Fëmijëve do u jepen njohuri për ndërveprimet brenda saj. Qendra e parë është kjo e Tiranës qendrat e tjera do të ngrihen në Kukës, Shkodër Dibër. Çelim program kombëtar të arteve dhe zejeve. Për të ushtruar mendjen dhe duart.
Deri në 2025 të gjithë drejtuesit e shkollave do licensohen për të drejtuar një qendër komunitare ku mësimi aktivitetet kulturore komuniteti janë bashkë. Mandati i 3 do të sjellë fundin e mësimit me 2 turne për shkak të mungesës së klasave.
Edukimi Fizik që ne e rikthyem dhe sportet jashtë mësimit do të zënë një vend të rëndësishëm që nga klasa e parë deri në universitet. Kemi trashëguar një tjetër boshllëk të madh, shkollat u kthyer në kulla ku emërohej si kryerojë militantët që ngulnin flamurin e një partie apo të një partie tjetër. Nuk mjafton sepse të drejtosh një shkollë për Shqipërinë si e ardhmja jonë do të thotë shumë më tepër se kaq do të thotë të menaxhosh një sistem të një qendre parauniversitare.
Një model ndërkombëtar që është instaluar në Shqipëri me drejtues e trajnerë nga jashtë dhe brenda vendit”, ka thënë Rama.
Kryeministri i vendit u ndal edhe te rindërtimi i shkollave të reja dhe rritja e pagave të mësuesve. Rama premtoi se pagat e mësuesve do të rriten me 40% gjatë mandatit të tretë.
“Sot tekstet shkollore janë falas për 250 mijë nxënës.
Sot gjithë infrastruktura shkollore është në një transformim të vazhdueshëm dhe deri sot ne kemi investuar 130 milion dollarë për 263 shkolla të reja, ku mësojnë 114 mijë nxënës.
Këtë vit vazhdon pa pushim rindërtimi i 120 shkollave të reja për 40 mijë nxënës të tjerë.
Vizioni Shqipëria 2030 shkon përtej këtyre që kemi bërë dhe ambicia jonë është shumë më e madhe se kaq.
Nuk mjaftojnë pagat e mësuesve që i kemi rritur 32 %, në mandatin tonë të tretë do t’i rrisim 40%,” u shpreh ai.
Ora news
