Presidenti i Parlamentit Evropian David Sassoli ka bërë thirrje për pranimin e shteteve të Ballkanit Perëndimor në Bashkimin Evropian, duke thënë se zgjerimi i BE do të ishte pozitiv për paqen dhe prosperitetin.
“Zgjerimi mund të sjellë përfitime të mëdha si në rajon dhe në Evropë në tërësi, duke ndihmuar në sigurimin e një kontinenti të qëndrueshëm, të prosperuar dhe paqësor,” tha Sassoli.
Lëvizja e këtij procesi sipas tij varet Perëndimi dhe përmbushja e kritereve të pranimit nga vendet e Ballkanit.
“Reformat duhet të përfundojnë ende në secilin prej këtyre vendeve,” tha Sassoli, duke shtuar se Bashkimi Evropian gjithashtu duhet të mbajë premtimet e tij dhe të njohë përparimin.
BE tashmë po kryen bisedime pranimi me Malin e Zi dhe Serbinë, ndërsa Shqipëria dhe Maqedonia e Veriut janë kandidatë zyrtarë.
Maqedonia e Veriut muajin e kaluar mori mbështetjen e Austrisë, Republikës Çeke dhe Sllovenisë për të filluar bisedimet me BE.
Bosnje-Hercegovina dhe Kosova deri më tani janë konsideruar kandidate të mundshme për negociata.
Procesi i zgjerimit të BE-së është përballur me sfida të mëdha. Kërkohet unanimitet nga të gjithë anëtarët e BE-së për miratimin e kornizës negociuese.
Bullgaria vitin e kaluar vuri veton kundër fillimit të negociatave të pranimit të BE me Maqedoninë e Veriut për shkak një mosmarrëveshje mbi gjuhën dhe historinë.
Bullgaria, e cila dëshiron që Shkupi të pranojë se identiteti ashtu edhe gjuha e saj kanë rrënjë bullgare, muajin e kaluar tha se nuk kishte në plan të heqë veton e saj në bisedimet e pranimit.
Shkupi ka këmbëngulur prej kohësh maqedonishtja është një gjuhë e veçantë sllavo-jugore që formon pjesë të kulturës dhe identitetit kombëtar të vendit, ndërsa Sofja thotë se maqedonishtja është një dialekt rajonal i bullgarishtes.
Shumë në Perëndim i kanë kërkuar BE të shpejtojë bisedimet e pranimit, duke parë anëtarësimin në bllok si një mënyrë për të kundërshtuar përpjekjet ruse dhe kineze për të fituar ndikim në rajon.
ora
