Covid-19 është duke shënuar çdo ditë rritje në qytetin e Elbasanit, ku vatra më e re është në spitalin rajonal Xhaferr Kongoli.
Pavarësisht se janë 5 raste të konfirmuara në këtë spital qytetarët shprehen se nuk janë të frikësuar dhe janë të detyruar që ta frekuentojn atë për problemet shëndetësore të detyruar edhe nga fakti se si pasojë e infrastrukturës së spitalit hyrja e urgjencës së kirurgjisë dhe e maternitetit janë në një derë.
E teksa numri i të infektuarve rritet nga ana tjetër vërehet një ulje e respektimit te distancimit social dhe maskat thuajse nuk përdoren.
Një situatë shqetesuese verehet kryesisht në filialin qendror të postës së Elbasanit ku respektimi i distancës ishte i pamundur për shkak të numrit të madh të njerëzve.
Aktualisht zyrat e postës qendrore ne Elbasan janë duke u rikonstruktuara dhe për këtë shkak ato janë zhvendosur në një ambient më të vogël nga ku është e vështirë të respektohet distanca sidomos kur ka fluks, duke u ekspozuar ndaj rrezikut jo vetëm qytetarët që marrin shërbimet por edhe personelin.
Elbasaniflash.al
