Kryeministri Edi Rama nuk e fsheh dot zhgënjimin për mos çeljen e negociatave. Në fjalimin që mbajti në formumin e Prespës këmbënguli që Ballkani Perëndimor nuk duhet të jetë peng i BE-së port ë ecë përpara me projektet e saj.
“Pse duhet të presim të bëhemi vende anëtarë që të bëjmë tregti pa barriera. Pse duhet të presim që të bëhemi pjesë e BE-së që të kemi lëvizje të lirë të njerëzve dhe mallrave. Të kemi një sportel në kufij dhe kufijtë të jenë të hapur dhe të lirë për njerëzit tanë. Këtë mund ta bëjmë dhe vetë. Është miopi të kuptohet që investimet e mëdha do të vijnë në vendet tona nëse nuk ka një treg rajonal”
Rama gjithashtu tha se vendet e Ballkanit Perëndimor do vijojnë me reformat pa u ndalur dhe nëse nuk pranuan të mbahet konferenca e parë ndërqeveritare, s’ka problem.
“Nuk mund ti krijojmë probleme vetvetes. Nëse mund të matet depresioni ata janë më depresiv prej nesh, më nervoz. S’kemi nevojë të ankohemi, nuk do të lusim, apo të sillemi si djem të mirë, pse nuk na doni. Këtë nuk do ta bëjmë. Ne jemi fëmijë që rritemi.
Nuk doni të keni konferencën e parë ndërqeveritare? S’ka problem, një konferencë më pak. Mund të mbajmë këtu më shumë konferenca të tilla këtu në Prespë”
Pavarësisht se jetojmë në një rajon me konflikte – duke kujtuar se secili nga fqinjët e Shqipërisë pretendon se ka ardhur i pari në rajon dhe është superior nga tjetri – duhet të ecim para tha Rama.
Edi Rama: Jetojmë në këtë rajon me shekuj. Kemi dhe konflikte. Vëllezërit tanë grekë aktrojnë se kanë ardhur këtu para të gjithëve, ne aktrojmë se jemi të njëjtët. Maqedoniasit dhe bullgarët aktrojnë se janë të parët në rajon. Pashë një boks të mirë fjalës mes Kurtit dhe Anës (Brnabiç), ata janë edhe sot këtu. Disa vite më parë ishte e paimagjinueshme.
Meqë u thirrëm nga Papa i BE, Merkel. Si besimtarë të mëdhenj në BE të gjithë donim që të shkonim tek Papa. Kjo ishte një kthesë, ne vendosëm që ta vazhdojmë më tutje. Nuk kemi çfarë të humbim por kemi shumë çfarë fitojnë”.
ora tv
