Kryeministri Edi Rama dhe kryetari i PD-se Lulzim Basha per gazetarët nuk thanë një datë konkrete se kur i kishin propozuar presidentit mbajtjen e zgjedhjeve parlamentare.
Për Bashën rëndësi ka mbajtja e zgjedhjeve sa më shpejt ndërsa Rama u shpreh i gatshëm në cdo datë me përjashtim të 2 majit që përkon me pashkët ortodokse.
Sot eshte një ditë e ngjeshur për Presidentin e Republikës Ilir Meta, i cili zhvillon konsultimet me krerët e partive politike, për datën e zgjedhjeve parlamentare.
Basha: Sa me shpejt
Në prononcimin për median Basha tha se rendesi kishte që zgjedhjet të mbaheshin sa më parë.
Lulzim Basha: ‘’Shumica absolute e shqiptarëve kërkojnë zgjedhje sot, jo nesër. Ata duan zgjidhje sepse janë të lodhur nga propaganda, dështimet dhe mashtrimet. Qytetarët kanë nevojë urgjente për punë, bizneset kanë nevojë urgjente për mbështetje. Mjekët, infermierët kanë nevojë për rritje pagash, për kushte dinjitoze për t’u përballur me kolapsin shëndetësor që është bërë më i dukshëm për shkak të pandemisë.
Ne ora 12:00 – Kryetari i PD-se Lulzim Basha mberrin ne presidence.
Ora 11: 24 Me maskë të zezë, Rama takon Metën
I vetmi me maskë kryeministri Edi Rama ishte në presidencë në takimin e thirrur nga presidenti për datën e zgjedhjeve.
Burimet nga presidenca bejne me dije se Rama i është shprehur presidentit se ishte gati për zgjedhje në çdo datë, përveç 2 majit që janë Pashket ortodokse
Takimi nuk zgjati shumë vetëm disa minuta dhe Rama u largua sërish me makinë pa dhënë asnjë prononcim për median e instaluar tek presidenca sot.
Kryeministri Edi Rama mbërriti në presidence i shoqëruar nga Taulant Balla.
Ora 11:00 PR e PAA: Më 18 prill, PDIU e PBDNJ: Sa më shpejt
Takimet kane nisur qe ne oren 09:30 minuta dhe do vazhdojne deri pasdite vone. Ajo çka vihet re është se të gjitha partitë janë dakord që data e zgjedhjeve të jetë më e afërta pikërisht 18 prilli.
PAA: Zgjedhjet me 18 prill
Partia Agrare Ambientaliste , me përfaqësues Arben Tafaj prozon 18 prillin
“18 prilli është datë e përshtatshme pasi maji është periudhë e jo e përshtatshme dhe shumë shqiptarë largohen jashtë për të punuar.Ndërsa 18 prilli përkon mes dy Pashkëve.
Dule: Sa me shpejt
Ora 10:30 Në Presidence ndodhen dhe Vangjel Dule i PBDNJ-se dhe Dashamir Shehi.
Kreu i PBDNJ-se Vangjel Dule i ka propozuar presidentit datën më të shpejtë.
Vangjel Dule ne prononcim per median: Vlerësojmë ftesën e presidentit ndaj forcave politike për të disktuar datën e zgjedhjeve si akt përgjegjshmërie. Nga këndvështrimi im situata realiteti politik kërkojnë zhvillimin e zgjedhjeve me procedurën më të shpejtë dhe në kohën më të mirën e mundshme. Daten me te shpejtë të mundshme konform legjislacionit.
Ora 10:10 PR propozon 18 prillin
Partia Republikane propozon 18 prillin. Perfaqesuesi i PR-se Arjan Madhi pas takimit me Metën u shpreh: “Do të jemi pjesëmarrës në cdo tryezë që do të adresojë përshtatjen e Kodit Zgjedhor me ndryshimet kushtetuese që sollën të re listat kushtetuese do të jenë të hapura. Cdo përpjekje tjetër që do të mund të fusë axhendë tjetër do të kërkonte dakordësinë politike të këshillit politik.”
Idrizi: Data te jetë sa më e afërt
Ora 09: 57 Ne nje prononcim per median, kreu i PDIU-se, Idrizi tha se kishte propozuar datën më të shpejtë.
“Shprehëm qëndrimin se duhet të jetë data më e shpejtë që e parashikon Kushtetuta, pasi vendi ndodhet në një krizë të thellë ekonomike dhe sociale”.
Ne ora 09: 40 – Në presidencë mbërriti kryetari i PDIU, Shpëtim Idrizi. Më pas ishin edhe përfaqësuesi i PR-se, Arjan Madhi dhe kreu i Partise Demokristiane, Nard Ndoka.
Takimet e tjera
Ora 11:00 – Në selinë e presidencës është kërkuar të jetë kryetari i Partisë Socialiste Edi Rama, apo dhe personat e autorizuar prej tij.
Ora 12:00 – Vetëm një orë pas bisedës me mazhorancën, Meta ka ftuar në takim Lulzim Bashën apo dhe personat e autorizuar prej tij.
Ora 12:30 – Në presidencë është ftuar kryetarja e LSI-së Monika Kryemadhi, apo dhe personat e autorizuar prej saj.
Ora 17:30 – Në presidencë është e ftuar Rudina Hajdari.
Dy datat e mundshme – Sipas ndryshimeve të reja, zgjedhjet zhvillohen në periudhën 15 prill – 15 maj, kjo për të mos ndikuar në sezonin turistik. Por, një tjetër periudhë mbetet dhe 15 tetor deri në 15 nëntor.
Deri më tani duket se palët kanë rënë dakord që votimet të mbahen në periudhën prill – maj. Sipas kodit zgjedhor data e zgjedhjeve duhet të shpallet 9 muaj para mbarimit të mandatit të kuvendit aktual.
Ndërkaq, ambasadorja e SHBA përmes një shkrese dërguar partive kryesore u kërkon forcave politike ti bëjnë veting kandidatëve të cilët duhet të jenë me integritet moral. Sipas saj liderët e partive janë përgjegjës për përzgjedhjen e tyre.
ora tv
