Kryeministri Edi Rama është ndalur mesditën e sotme në Gramsh ku ka zhvilluar një takim me të rinjtë e kësaj zone.
Gjatë fjalës së tij, kreu i PS u shpreh se, historia na ka treguar se sa herë kemi dashur ti biem shkurt, na ka dalë më gjatë.
“Jemi shumë më larg të shkuarës dhe shumë më afër së ardhmes. Por mos e harroni për ansjë moment: se sa më lart të ngjitesh aq më e vështirë bëhet ngjitja. Aq më shumë sprovohet karakteri, durimi, vendosmëria, kurajoja dhe mbi të gjitha besimi.
Thonë se, kur nisesh drejt një maje, sa më afër majës, aq më e largët duket maja. Sepse këmbët janë shenja lodhje, sepse zemra rreh fortë e më fortë, se mendja të thotë ndalu, ulu, pusho. Ose akoma më keq, të thotë “shiko se mos ka ndonjë rrugë tjetër”. Në këtë moment njeriu, komunitet, populli, një komb i tërë sprovohet, për të fituar apo për të humbur.
Sipas Ramës, Shqipëria mund të ndërtohet vetëm nga PS dhe nga asnjë forcë tjetër politike dhe se askush tjetër mund ta bëjë Shqipërinë kampione të Ballkanit në turizëm dhe agroturizëm.
Edi Rama: Këtë luftë e fiton vetëm kjo shumicë qeverisëse, harrojeni se me ata të tjerët do të vazhdojnë gjërat siç vazhdon me të dyja frontet dhe rindërtimi do të kryhet siç po e kryejmë e do e kryejmë deri në fund.
Harrojeni se Shqipëria që po ndërtojmë ne me shumë mund, mund të ndërtohet nga një tjetër forcë. Nuk ka forca të tjera që mund ta bëjnë Shqipërinë të ardhmen tonë. Mund ta bëjmë Shqipërinë kampione të Ballkanit në turizëm dhe agroturizëm.
