Kryeministri Edi Rama ka zhvilluar sot një komunikim online me komitetin e ekspertëve të Shqipërisë e Turqisë për situatën e COVID-19.
Rama u shpreh se sot kemi një sistem shëndetësor të qëndrueshëm, ku për hospitalizim nuk ndeshemi me pamundësi.
Rama: Ne e shfrytëzuam çdo ditë për të përgatitur strukturat e nevojshme spitalore për muajt në vijim dhe për fazat e tjera dhe më vjen shumë mirë që sot ne jemi në kushtet kur mund të vazhdojmë të themi se sistemi është i qëndrueshëm, se nevojat për tu hospitalizuar nuk ndeshen në pamundësi, se rrjeti i ngritur i strukturave që trajtojnë Covidin ka akoma një hapësirë të konsiderueshme zgjerimi sipas nevojës. Dhe sigurisht edhe se kemi arritur të racionalizojmë në mënyrë të arsyeshme burimet tona jo të pakufishme, përkundrazi financiare në funksion qoftë të motivimit maksimal të skuadrave të mjekëve dhe të infermierëve që janë në vijnë e parë dhe në funksion të të gjithë logjistikës specifike që kërkohet për të përballuar këtë agresion që të merr frymën literalisht, që kërkon linja oksigjeni dhe që kërkon aparaturat të posaçme në numra të konsiderueshëm.
Ora tv
