25.8 C
Elbasan

Rama njofton me Twitter ndryshimet në qeveri, ikën Cakaj e zëvendëson me Xhaçkën, kthen Niko Peleshin

Ndryshime të reja kanë ndodhur në qeveri, ku kryeministri Rama ka njoftuar largimin e ministrit të Jashtëm Gent Cakaj.

Përmes një postimi në Twitter, Rama informon se në vend të tij është emëruar ministrja e Mbrojtjes Olta Xhaçka.

Sakaq në vend të Xhaçkës, si ministër i Mbrojtjes është emëruar Niko Peleshi.

Më pas u mësua se Cakaj kishte paraqitur dorëheqje te parevokueshme.

Rama bëri këtë njoftim në orën 12:30 të së martes, ndërkohë që paraditen e sotme zhvilloi konferencën e fundvitit për më shumë se 1 orë e 40 minuta. Në asnjë moment kreu i qeverisë nuk paralajmëroi ndryshime në kabinet.

Ndërkohë Cakaj e njoftoi në Facebook dorëheqjen e tij, duke mohuar se kishte synime për të kandiduar në zgjedhjet e ardhshme.

Reagimi i Cakajt:

Të nderuar qytetarë,

Dëshiroj të ju njoftoj që sot, e martë, 29 dhjetor 2020, i kam paraqitur Kryeministrit të Republikës së Shqipërisë, z. Edi Rama, dorëheqjen e parevokueshme dhe me efekt të menjëhershëm si Ministër në detyrë për Evropën dhe Punët e Jashtme të Republikës së Shqipërisë.

Pas përfundimit me shumë sukses të kryesisë së OSBE-së, hapjes së negociatave për anëtarësim me BE-në, punës së jashtëzakonshme për të siguruar një ulëse në Këshillin e Sigurimit për 2022-2023, zbatimit të një sërë masash të pashembullta për ngritjen e faktorit shqiptar në Ballkanin Perëndimor, si dhe duke qenë se Shqipëria është në pragfushatë zgjedhore, ku unë nuk synoj të angazhohem në asnjë cilësi, konsideroj që kapitulli i shërbimit tim në krye të diplomacisë shqiptare është i përfunduar.

Dua të shpreh mirënjohjen dhe falënderimin tim ndaj Kryeministrit Rama, për besimin e dhënë dhe bashkëpunimin e ngushtë në rrethana jo të lehta për Shqipërinë. Po ashtu, u jam shumë mirënjohës të gjithë bashkëpunëtorëve dhe stafit të MEPJ, për mbështetjen e vazhdueshme në rrugëtimin e përbashkët, për të ndërtuar një sistem diplomatik të denjë për ambiciet e Shqipërisë evropiane dhe të pakompromis në mbrojtje të interesit qytetar e kombëtar.

Në mbyllje, nënvizoj, mes tjerash, se angazhimi i Shqipërisë për të thelluar bashkëpunimin e forcuar marrëdhënien me shqiptarët në rajon duhet të vazhdojë me çdo kusht apo çmim.

Faleminderit nga thellësia e zemrës të gjithëve për mbështetjen, kritikat e punën e përbashkët! E keni për jetë mirënjohjen time – shërbimi ndaj jush ka qenë nderi më i madh i jetës sime!

 

Vetëm pak ditë më parë u ndryshua edhe ministri i Brendshëm, Sandër Lleshaj, i cili u zëvendësua nga Bledi Çuçi që mbante detyrën e ministrit të Bujqësisë. Në vend të Çuçit u emërua Milva Ikonomi.

Lajme të tjera

Krimi në Dukagjin/ Vrau 61-vjeçarin pas konfliktit të çastit, vetëdorëzohet në polici autori

Është vetëdorëzuar në polici në orët e para të mëngjesit të kësaj të premteje, 29 gusht, autori i vrasjes në Dukagjin. Ndoc Maçaj është...

EMRAT/ Pjesë e një organizate kriminale, arrestohen me qëllim ekstradimin në Itali dy vëllezërit shqiptarë

Forcat Operacionale kanë arrestuar dy vëllezërit shqiptarë, Roland Metushi dhe Saimir Metushi, pasi ishin shpallur kërkim dhe ishin dënuar me burgim nga autoritetet italiane....

Librazhd/ Dyshohet se pësoi infarkt, gjendet i pajetë 63-vjeçari

Në Dragostunjë të Librazhdit është gjetur këtë mëngjes nga kalimtarët një trup i pa jetë i  gjinisë mashkull. Nga dyshimet e para dhe veprimet që...

Detaje/ Arrestohet ish-kryeinspektori i IMT në Durrës. Ndërtoi pa leje rezidencën te Kepi Rodonit

Policia e Durrësit dha detaje të reja lidhur me aksionin e djeshëm policor i cili çoi në arrestimin e një ish kryeinspektori të IMT...

Policia e Elbasanit vë në pranga disa persona

Drejtoria Vendore e Policisë Elbasan Specialistët e Qarkullimit Rrugor: -arrestuan në flagrancë shtetasit E. S., 37 vjeç, banues në Vlorë, A. B., 45 vjeç, banues në...

Mot i kthjellët dhe temperatura të larta, ja parashikimi për këtë të enjte

Parashikohet që pjesa e parë e ditës të jetë nën mbizotërimin e motit të kthjellët në të gjithë territorin Shqiptar. Ndërsa orët e pasdites...