Kryeministri Edi Rama njoftoi se ndryshimet në nivelet e larta të policisë së shtetit do të bëhen shumë më shpejt seç ishin planifikuar.
Kjo nxitur dhe dy ngjarjet tragjike në Vlorë e Velipojë. Por a do të përfshijë kjo reformë dhe largimin e Ardi Veliut, Drejtorit të Policisë së Shtetit?
Edi Rama: “Eh zot i madh! Nuk di si të shpjegoj që rastet konkrete shikohen në kontest. Nëse qeveritë do të nisen nga rastet për të hequr njerëz s’do kishte ngelur njeri në detyrë. Në rastin konkret policia e shtetit nuk është në asnjë situatë problematike. Është vetëm në një proces rritjeje e fuqizimit të mëtejshëm. Nuk ka asnjë problematikë më të madhe seç kishte para këtyre ngjarjeve kur gjërat dukeshin normale.
Rama tha se puna e policisë së shtetit nuk hidhet dot poshtë se ndodhën disa ngjarje tragjike
Nëse i referohemi ngrënies së kokave mes kriminelëve edhe aty duhet të shikojmë reagimin e policisë së shtetit, kapacitetin e zbardhjes dhe të ndalimit të autorëve. Nuk ka një krizë në policinë e shtetit. Është fare e qartë.
Bazuar në fakt në kontekst dhe në trende.
Puna e policisë së shtetit nuk hidhet dot poshtë se ndodhën disa ngjarje tragjike ku faktikisht mësime për tu nxjerrë ka të bëjë me çfarë do të bëjë secili përfshi dhe policinë por kontestet janë komplet pa lidhje. Cfarë mund të bëjë policia e shtetit kur dy fqinj në mes të natës futen në sherr e sherri përfundon në fatalitete. Në cilin vend të botës kjo gjë mund të evitohet.”
ora tv
