Nxënësit e studentët do të kenë më shumë pushime pas festive të këtij viti. Ashtu siç kishte lajmëruar Ministria e Arsimit e ka marrë tashmë vendimin për shtyrjen e rifillimit të mësimit.
“Në bashkëpunim me Komitetin e Ekspertëve kemi vendosur që pas pushimeve të fundvitit shkolla të nisë në datën 11 janar dhe jo në 4, siç parashikonte urdhri i mëparshëm”, u shpreh Kushi.
Vendimi i konsultuar edhe me ekspertët e shëndetësisë nuk parashikon mbyllje të mëhershme të mësimit, i cili do të vijojë deri më datë 24 dhjetor, sipas planit të fillim vitit.
Aktualisht mësimi vijon të zhvillohet i alternuar në klasa dhe online. Por Ministria ende nuk ka një skenar të qartë se si do të procedohet pas këtyre pushimeve pak më të gjata
“Në varësi të dinamikës së pandemisë, mund të ketë edhe vendime të tjera, por për momentin është data 11. Gjatë ditëve në vazhdim ne do të ofrojmë edhe çdo udhëzim tjetër që është i nevojshëm për mbarëvajtjen e procesit mësimor”, ka thënë Kushi.
Aktualisht vetëm universitetet po zhvillojnë leksionet online, metodë kjo që ka ngjallur mjaft kundërshti dhe cilësohet jo efektive nga të rinjtë.
Ora tv
